[النمر1012]

افتحي قلبي كما فتـح الكتـاب
تبّعي بصبعك واقري وش كتـب


لاقريتي سطر؟ تلقيـن العجـاب
كمّلي الباقي تشوفيـن العجـب

[كبرياء امراة]

‏يمكن ألاقي في ( حياتي ) سعادة
لا عشت بالدنيا بلا قلب وإحساس
احساسي اللي مانفعني حصاده
مابيه دام الناس تضحك على الناس

[النمر1012]

غرامك كل يـوم يزيـد .. وتكبـر والغـلا يكبـر
يجسد حبي الواقـع .. بعـد ليـل العنـا الوهمّـي


اشوفك مع شروق الشمس.. ا شوفك والشفق احمر
تذكرنـي بهمساتـك .. بلابـل صبحـي الوسمّـي


وانادي .. يا بعد عمري .. ترى بعد الأمل يقهـر
تعالي تعبت الكلمـه .. ضجيـج النـاس مايهمّـي

[راعي الاووله]

يازيـن نكه بيـن كل الاضافات
ذوقه عجيب وماخذ القلب كله

يفـز قلبـي لا لمحتـه إذا فات
استرجع اللستـه وعيـني تدله

[كبرياء امراة]

الشوق ضيفٍ يغث القلب من ثقله
والقلب مجلس كريمٍ ماقفل بآبه

ليته درى ان المعزب مآتشفّق له
حتى ولو فز في وجهه وحيا به

[كبرياء امراة]

“ لو لـ المساء صوت وگذا يقدر يبوح
صدقني ماينطق سـوى النور وينه
النور انت والمسـاء دونگ بـلا روح
من جـد گـن المسـاء فاقـد عيـونــه”

[كبرياء امراة]

تدرين وش اخفي عن انظار هالكون
اخفي ( عيوني ) يوم تبكي ، غيآبك

مابي يشوفوا دمعتي .. ثم يقولون
اهديت له ..عمرك وراح ، ب شبابك

[الاميرة ساااره]

خل العتب يستوحش صدورنا وإحك
لا اشوف فعيونك ومبسمك ربكه

وان بانت حدود الحزن في ملامحك
سرقت لك من جيب الايام ضحكه.