[سعد بن عادي]

الشايب الـي لحيتـه كلهـا شيـب
اخطأ علي وقالـو النـاس شايـب
ماهوب شرط يكون شيبه على طيب
كم شايبٍ فالوقـت خايـب وعايـب
وانا ولد من يشبع الطيـر والذيـب
ماني زلابـه مـن عيـال الزلايـب
مارضى المهونه لو على شقة الجيب
ولا انت فيك الظـن يالعـود خايـب
وليا بغيت الحق تاجب لـك يهيـب
مخطي ولانت بيسود الوجه صايـب

[سعد بن عادي]

خذ راحتك فالخفوق الضايق الحالم
خلـه يعيـش الآمـان وينتـهـي ذعــره
تدري من الشاعر المحظوظ فالعالم
اللي قطف من جمالك فاكهة شعـره

[سعد بن عادي]

هل تعلم انّك دبلت كبود خلـق الله
بعلومك اللي من البـارح تردّدهـا
تاجر و ملياردير و موتـر و فلّـه
ثروتك ما يستطيع احـدٍ يعدّدهـا
مع اني اعرفك ماعنـدك ولا بلّـه
حتى الفواتير مـا تقـدر تسدّدهـا
قم قم توكّل على الله و إلحق الشلّه
ماودّي اجـدّد جروحـك وابدّدهـا

[سعد بن عادي]

لقد تعلمنا في المدرسة ونحن صغار أن السنبلة الفارغة ترفع رأسها في الحقل، وأن الممتلئة بالقمح تخفضه، فلا يتواضع إلا كبير، ولا يتكبر إلا حقير.

[سعد بن عادي]

أنبتّنـي بالحـب وأنـت السحـايـب
ومادام رحت وغبت من يسقي النبت ؟

[سعد بن عادي]

للنفس غايات واعظم كل غاياتي
دمعات من خشية الرحمن ندمعها

[سعد بن عادي]

إن مت باكر .. من يعزّي طموحي والا طموحي دامني حي مامات ..!


هويت لكن .. ماتهاوت صروحي \
لي مع نهايات الليالي .. بدايات..!

[سعد بن عادي]

,

فيني من الشوق .. مايآصل حدود الجنون ..
.. وفيني من الصبر شي ٍ مستحيل اوصفه ,