[فضي البراك]

من أجمل وأرق وأصدق ماسمعت

لو نظرت بعين قلبك شفتي=مامعي مخلوق يستاهل غلاك

[فضي البراك]

أن كان (شمسك) تساومني على ظلك=ما عاد أبي لا (شمسٍ) ولا فيه
أما (تعالي) لقلب (فز ،، لك كلك)=وإلا أتركيتي ماأبيلك بالهوى جيه

[فضي البراك]

شوفه فراق ،، ولقا ،، ليت النظر يُعطى=عينٍ بلا جفن ساترني وفاضحني
ليا أنخفض رمش عيني قلت ليه أبطى؟=وليا أرتفع قلت وش به مايصافحني
أزعل ،، وأعاتب ،، ويرضيني ،، وهو (ماأخطى)=وآخذ على خاطري مني وأسامحني
لأقدام كل المشاعر فـ / الحشا موطى=ومن جاء عزمته (وبسم الله) يمالحني

[فضي البراك]

الخميس الي تناثرنا بجوه=لين ضج الليل عشاق ومحاني

بالنفيس اللي خذا الدنيا مروه=ماخذاها صولجان وهيلماني

ذعذع الما والرطب غنا ونوه=كل غصن بما عليه من الأغاني

خابر بيني وبين الشعر خوه=ان بغيته جا .. ولاجيته بغاني

[فضي البراك]

كنت أختصر كل الدروب البعيدة=بأوتار تعزف للأماني لحنها

وفجأة ...لقيت أن الليالي عنيده=وقتي عطاني حسبة ما وزنها

وأثر السحآآآآبة للعطاشا مكيدة=تغدر بمن هو راجي الخير منها

يا قاتل حلم المحبين بيده=ضيعت ساعات الفرح من زمنها

بين الهقاوي والعلوم الاكيده=ضاعت دروب اللي عيونك زبنها

واللي بقى مني ...خطاوي شريده=ودموع ....عيا صدركم ما حضنها

[فضي البراك]

جتني الأسامي وبزهو

اخترت لك اسمين

سميتك : حدود السهو
سميتك التخمين !!

يا أعذب من الماء زلال

نادتني الأسماء تعال

اختار منها مايليق

اشّر عليها وسمّها

والورد قالت للرحيق :

قرّّب عليها شمّها

جتني الأسامي كلها

واحترت ويش اختار ؟

قال البنفسج دلّها .. علي

قالت : أغار

يا للي بك الملح اهتدى

لو يكتب الصبح الندى

و أصير لك شبك دار

وأغنية تتلفتك

سؤالها : وين النهار

جوابها : من عرفتك .. !

[فضي البراك]

وليه غبت ؟ وليه رحـت ؟ وليـه تتركنـي وحيـد؟=وليه ما حنيـت قلبـي مـن كوابيـس الغيـاب؟
مـا دريـت انـك وريـد الـدم او دم الوريـد!=يعني العيشـه بدونـك ثامـن السبـع العجـاب
وما دريت اني اعشقك صدق يا العشـق العنيـد=وان ما قبلك يسمى ايش يمكـن نـزوة شبـاب

[فضي البراك]

مدري ليه فرحت يوم ذكرت علي هالأبيات

(قلبي) على (الماء) و (قلب الماء) على (شطك)=الماء وأنا يا القراح العذب ورادك

كم شالك الحلم بأهدابي ولا حطك=والعين يرعى نظرها عشب ميعادك

يا(شمسي) اللي تدلى بالسماء قرطك=عن كل هالورد هذا (القلب) عبادك
(طلي)...و (هلي) على صدر البحر خطك=وش تالي أخبار ريحانك ورينادك؟