![]() |
|
خيارات الموضوع | ابحث بهذا الموضوع |
|
في كل يوم تزيد وتزيـد وتزيـد يابلسم ، عروق الحيـاه الجريحـه ياغيمةٍ ، صبّت مطرها على البيـد كلٍ ، يهني فـوق ظهـر الفسيحـه بالعيد ، وانا اقـول وازيـد واعيـد حبك مبارك ، والمشاعـر صريحـه فيك انت ، مااهنّيك .. انا اهنّي العيد متابعتك شرف الف شكرا لك |
|
عشقت غيدا سمّحتني عـن الغيـد=اقول والا بس مانيـب قايـل ميت ظما والعد صعب المواريـد=وبذلت من شانه جميع الوسايل والشربة اللي من حياض الاجاويد=تقطع ظما هدف الضلوع النحايل يانوووف جيتك من ورا نازح البيد=بالراس مايحتاج رد الرسايـل وان كان ماضمّدتي الجرح تضميد=تحملي شرهة عيال الحمايـل وانا دخيل الصدر والثغر والجيـد=ارخي علي شلال شقر الجدايل هذي تكفينـي مـن العيـد للعيـد=وانا علي يا نوف رد الجمايل حبي وحبك حب عليا وابو زيـد=والا مثل حب الطنايا لحايـل |
|
الرفيـق اللـي لاغبـت مايحمـي قفـاي=اجل لامن صرت حاضر ماني في حاجتـه احتمـي دوري ودور القبيلـه مـن وراي=جمـدوا هـرج الفـراغـات ياهراجـتـه كانها بمصامـخ الـروس والا بـاي بـاي=خلـو الفلـم المدبلـج علـى دبلاجـتـه طول عمري ماستمع من ضعيـف الـراي=راي ولاطمعت بديـك خيبـر ولادجاجتـه العداوه شي عـادي تجينـي مـن عـداي=من نسج نفس العـداوه عرفـت انساجتـه وان كلاني مخلب من مخاليـب اصدقـاي=قلت ضاعت صيده فـي طـرف عجاجتـه وان ثناهـا مـرت ثانيـه جعلـه افـداي=لامسـك كلـب الخواجـه كـلا خواجتـه الارض ماهي ملك ابي والسما ماهي سماي=مير العوج لا اعترض لي عدلت اعواجتـه افـرده وذوقـه لمستيـن مـن عـصـاي=وادبـه تـاديـب طـفـل علىدراجـتـه لين ينسى عناد راسـه ويذكـر مستـواي=ينتبـه والا يسوهـج علـى سوهاجـتـه في نظره الناس لون وهـو هـاي هـاي=والمـدوج مابعـد فـاق مـن دواجـتـه ابك انا لو اشرب البحر مايقطـع ظمـاي=وانت مثل الضب يزحف تحـت عجاجتـه |
|
الزمـان يـدور والدنيـا تــدور=ودوره الايـام مـاهـي هيـنـه ماتـدق الا جلاميـد الصـخـور=خل عـاد اهـل العضـام اللينـه والحرار اللي علي روس الوكـور=كـل حـر مابـقـي الامكيـنـه والضحايا في الصحون وفي القدور=فوق نـار اهـل الوجيـه الدينـه في غليـان التغطـرس والغـرور=دور الـواقـع مـاعـاد تعيـنـه مثل حرف الجر في بعض السطور=لويشيـنـه القـلـم ويـزيـنـه والطماعه حطهـا نمـر النمـور=بيـن لحيانـه وبــن لسيـنـه ليش يبسـن الحناجـر والنحـور=والديـوس ام الحليـب محيـنـه ادري ان اصل المناجـم مايبـور=كـل منجـم فيـه تلقـى عينـه عند ماتصفق بحـور فـي بحـور=مايبيـن الا الوجـيـه البيـنـه |
|
جيت في وقتك بعد طول غيابـك=لبى والله طلتـك , والأبتسامـه ! مرحبابك . مرحبابك . مرحبابـك=أحمد اللي رجعك لي , بالسلامه ! |
|
الغلا والشـوق يدفعنـي علـى الشرقيـه=بين تيـار الغـرام وبيـن شـي ثانـي امتثل لي ما يـرد القلـب عـن طاريـه=كل ما ذعذع نسيـم الـورد والريحانـي مثل مـا يضـرم خلـف هـذال للبريـه=والله اني مضرم للشـوق مـن وجدانـي عاشق ما يلبـس ثيـاب الغـلا عاريـه=ما يعشق الا عقـود اللـول والمرجانـي الغصون الخضر حيه والمشاعـر حيـه=غرب كورنيش الخبر شرقا عن الظهراني اقلبـت واستغفـر الله كنهـا حـوريـه=والشعر مثل الذهب يلعب على الأمتانـي ان تثنـت كنـهـا مـامـورة منهـيـه=وان تمايـل عودهـا يـا الله لا تبلانـي جيدهـا فتـان والفتنـه تجيـب السيـه=والبروق تلوح بيـن الخـوخ والرمانـي قلت وش هالغنـج قالـت كـذا عفويـه=بنت مملوحه جميلـه والجمـال اطغانـي يضمحل الورد كـود الـورده المحميـه=لا تطلقها الريح حرك عودهـا الريانـي عن هجير الشمس احصل فيه ظل وفيـه=آه يا لبيـه يـا زرعـي ويـا بستانـي |
|
الشوق مجرم حرايق ، والغلا غافـر=والآدمي ، لامشى قلبه .. مشت رجله والعقل ، لو كان دايم عنّـي مسافـر=ماوقّف القلب قدّام البشـر .. لجلـه ياصاحبـي ، لاتخلّـي للجفـا حافـر=بعض المشاعر خطا ، وتمرّنا عجلـه كفكف دموع الوله .. من قلبك الوافر=جعلي ، فدى دمعتين عيونك الخجلـه وحاول تصبِّر شويّه .. جوعك الكافر=وطمّن بحبي .. جميع عروقك الوجله الشوق ، لو ماتبسّم وجهـه السافـر=ماصبّ نهر الفرات ، ولانهر دجلـه |
|
خطاك السـوّ ، يانبـض الحيـاه .. ولهفـة عروقـي=عسى نفس المرض ، يمرض مرضك .. ولايذوق علاج تعـال وضمّنـي ، واطـرح وجعـك بوسـط معلوقـي=وانا من مرّنـي محتـاج .. مايذهـب وهـو محتـاج |
يتصفح الموضوع حالياً : 2 (0 عضو و 2 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
إهداء لكل رجل ! | كبرياء امراة | المنتدى الأدبــــــــــــي | 8 | 26-06-2013 09:54 PM |
إهداء إلى كل شخص عزيز | مناورالعويمري | المنتدى الإسلامـــي | 24 | 11-12-2012 09:14 PM |
سائق يترك معلماته على قارعة الطريق بعفيف | عليان علي | المنتدى الإعلامــــي | 8 | 15-02-2012 01:14 AM |
إهداء إلى ولد الجزيرة .....~{ | الغريبة | منتدى الصوروالفيديو والسفر والسياحه | 9 | 30-11-2009 09:54 PM |
إهداء لك رشيدي | شاعر حرب | منتدى الشـــعــــر | 16 | 24-06-2008 09:19 PM |