[العريض]

إن غبت عني قمت اهوجس وادورك
وأنشد عن ديارك .. واجي وآعنالك!!
,
وإن جيتني برضاك .. ماجيت مجبرك
يا مرحبا ... والقلب فز ودعالك !!
,
بس انت تكفى دامني صرت شاعرك
إن غاب زولك .. لا يغيييب إتصاالك

[ابوديما]

وش جمع سحر الغموض بسودها والنرجسيه
الوكاد اني بشط الكحل غنيت لبحرها

[عنقود البدو]

بكيت .. ولا لقيت اللي يقول وش فيك
ضحكت .. وكلهم قااالوا وش الطاااري

[العريض]

اشهد ان ماللغلا والي ولا للقلب والي
دام قلبي كل ما يرتاح في صدري تتله
من لي اليا رحت ياللي في غيابك من بقى لي
ومن لعيني ان رحت والا القلب لامن رحت من له
منت غالي لانك بعيني تساوي كل غالي
وطلتك تسوى في عين اللي عشقك الفين طله
كل ماتقبل علي اسج عن سود الليالي
واتناسى ضيقتي واشوف لي مطلع واشله
والخفوق يحاصرك مابين احساسي وبالي
وكل عرق يفز ويحاول يجلسك فمحله
وكل كلمه من بردك وجمرك تبهر دلالي
وكل بسمه كنها بعد العصر فنجال دله
في كلامك شعر ويبين شعوري وانفعالي
دايم ان سولفت قمت اقول مبدع والله والله
اسكن بقلبي ماراح اقول هذا لك وذا لي
واعقد اللي ودك من عروقه ولا رقت حله
اشعر ان الكون لامن جيت ماياسع ظلالي
وكل مادنقت ناظرت السحايب.......والاهله
لابغيت اوصفك يعجز خيالي عن خيالي
وانت لاسلهمت ضيعتك وضاع الشعر كله

[عنقود البدو]

احيااان احس ان الليالي لا انفقد غااالي فضت
واحيااان ماودي احس بشي يملااااني كسور

[العريض]

الضيقه اللي تمر احيـان واتعـدي
مرت على البال هالمره ولاعـدت
ثارة غضب في خفاي وبيحت سدي
نخيتهـا تبتعـد عـنـي ولا ردت
وصديت عنها و لكن مانفع صدي
شبت بروحي لهيب النار وامتـدت
بين الحنايا وصبري ماوصل حدي

[ابوديما]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عنقود البدو]

هذا ااانا غصب(ن)علي اذا حبيت حبيت

اوهب حياااتي ولا اخلي للخلايق بقيه


يضيعني من الدنيااا ويجيبني مـيت

ويرجع ويحـييني ويقــــضي عليه