[سعد بن عادي]

يافاتنه شتتـي همـي وغربالـي
تقدمي وادفعـي بالحسنـه السيّـه
تربعي فالضلوع وطيّبـي فالـي
وانسيني ايامي اللي شيّبـت فيـه
صبي سوالفك في سمعي وفنجالي
وخليني اقدع على ثنتيـن ورديـه
تمخطري فالحشى بشويش وإختالي
وترفقـي يامعـذبـة الهـواويـه
واستفرديبي عن العـذال بلحالـي
والغـي جميـع التقاليـد القبيليـه

[سعد بن عادي]

لا صارت الارض تحتي لا تشيل الهموم
تدري متى تشـيلها ؟ لا صرت انا تحتها

[سعد بن عادي]

الضحيّه شيخ والمدعـوس قوطـي
والطريق الساحلـي وقّـف نشاطـه
الحقيقـه مـا هضمـت المنفلوطـي
والسبب بيـن الصعوبـه والبساطـه
الصعوبه حِفْظ مشعابـي وسوطـي
والبساطه كلّ بوهـا فـي العباطـه
وأن نشدني المنفلوطي عن شروطي
قلـت لـه خذهـا كذيّـا عالبلاطـه
أوّلتهـا تـدري وسامـي ونوطـي
ماتجـي بالمعرفـه والاّ الوساطـه
وانتبه مضبـوط لقرايـة خطوطـي
وصْلـك التنويـه عنهـا للإحاطـه
أنت في الحوطه مع سديري وحوطي
دارج ودرّج وخــلّ الإنبـقـاطـه
أدري إنك كفو شوطك مثل شوطـي
ما تدنفـس فـي دكاكيـن الخياطـه

[سعد بن عادي]

ياجعلني ما اذوق حزنك ولا ابكيك
إجازتك .. سولف بها عند غيري
لاعاد تطريها .. وانا يامحاكيك
ياضيقتي .. مدري ياحوسة مريري

[سعد بن عادي]

إذا بغيت تميّز المبدع ..على كل إتجاه
حاول تركز بس في عقلية اللي يمدحه

[سعد بن عادي]

يالطيف الرّوح لا تخلـف علـيّ النيّـه
ولاتعاتبني على صدّي وطـول غيابـي
جيت لك مشتاق و اقبلني على مافيّـه
لا تخلّيني كذا يا اغلى واعـزّ احبابـي
أنت ما انت ابغالي اغلى من حباب عنيّه
والله انّك منّي اقرب مـن زرار اثيابـي

[سعد بن عادي]

الله اكبر وش حصل وش صار ياسود الليالي
نتـعـذر بالليـالـي لومامنـهـا خطـيـه
يمرض الرجال لاجاه الخطا من صوب غالي
ينفعل لاجـل المـوده والصداقـه والحميـه
بس اكيد ان الليالي تظهر زحول الرجالـي
وتظهر الاصحاب ويعرف الخوي ميزة خويه

[سعد بن عادي]

إن جيت أبا آحاول اغمّض عيوني وأنام
عيّا علـيّ المنـام إيداعـب إجفونهـا
من سبّة اللّي سوالفها علـيّ الحـرام
يضيع حرّيف صفّـاف الحكـي دونهـا
بغيتها في كلام و ضـاع كـلّ الكـلام
جعله فدى صوتها المبحوح و عيونهـا