[سعد بن عادي]

تدري .. وش اللي يسمّ الرجل ويغثـه
وتشوف ضيقة .. مداه بوجهه الشاحب
لاضاع طيبه .. وصارت هقوته جثـه
وجت طعنةٍ ماتوقعها من .. الصاحـب

[سعد بن عادي]

سقوى سنين الجهاله قبل سـن الرشـاد
ايام كنّـا نعـد الارض مضمـار خيـل
ان طحت قدام عينه قـال كبـوة جـواد
وان طاح قدام عيني جيته اصهل صهيل
والنفس بستان طيبه والعـواذل جـراد
تغانموا كل حاجه غيـر روس النخيـل
ان عرضوا لي سموم الهرج سقت البراد
وان وجهوا لي سهوم اللوم راسي طويل

[سعد بن عادي]

تقول إختلاف الجوّ جاها بنزلـة بـرد
وأخذ من يداها عافيتهـا و صحّتهـا
وهي لو مناعتها قويّه طردتّـه طـرد
لكنّ الله أقوى من مرضها و كحّتهـا
لو علاج صخنتها .. زياره و باقة ورد
نقلت الحديقه كلهـا فـي مصحّتهـا!

[سعد بن عادي]

حبيبتي جعل البنات فداً لهـا
علاقتي معها على وضح النقا

تقول لي لبّا عروقـك كلهـا
واقول لبّا مـا تبيّـن واتّقـا

[سعد بن عادي]

على هامش حياة المسبحه في ليلة الآهــات
ـــــ نسيت الموعد اللي يجمع السجـّـان والجاني
و أنا اللي كنت انا ويـّـا فناجيل الغرام إخوات
ـــــ اصب احلى مشاوير العنا وآآقهوي اخوااااااني
ولكن ! يا عذابي يا خسارة عمري اللي فااات
ـــــ صفقني حظي بـ عجرا غرامك بين حجااااني
ورحت اتبع خيالك في دروبك واسكب العبرات
ـــــ وفـ آخرها دريت ان الخيال لواحد ٍ ثاانــي
ادورني وافتش عن ضميري في دروب الذاات
ـــــ واتابع خطوتي في رحلتي وأحـث كـرعااني
واذا دورت واصبح حلمي اللي قد حلمت اشتات
ـــــ اروح لبيتي اللي في شمال الحب وألقااااااااني
اشوفك ناوي ٍ ترحل وتجرح دمعتي بسكااااااات
ـــــ على كيفك! توطا دمعتك في حوض وجداني
خلاص ابعدخلاص ارحل ترى طير المحبه مات
ـــــ نفض ريش المفارق وذبحوه عيال جيراااااني

[سعد بن عادي]

لا بغيت البس شماغ وثوب شتوي
دخّنت فالساحل الشرقي رطوبـه!

[سعد بن عادي]

لا تبتسم ماهوب جاهز مبسمك للإبتسام
لازالت عيونك من البارح تفوح دموعها

.

أصبر عليها لين تصبح نارها برد وسلام
وأعتق محاجرها وطاوعها تسيل بطوعها

[سعد بن عادي]

تعال اخذني معك والا .. لاتتركني
الله مخيرك .. في هاذي وفي هاذي