[عواض بن بهلان]

والله اني لاذكرتك قلت للدنيا عوافي,,,

مايضيق اللي ذكر في دنيته شرواك غالـــي

[ذبحني غروركـ]

كأس مليته بالوفا لاتكبه
خله يبلل بالوصل يابس الريق

[الـشـقـاوي]

هجرت ومآبقى لي غير آهآت وشقى وآحــزآن
وعين(ن) سيلت دمعآآت حبيب(ن)يجهل غرآمه..

فمآن الله يآقلب(ن)قسى وأبكى حبيب(ن)كآن
يمسح دمعة الأحبآب وذآب الدمع ف أيآمــــــه..

[ذبحني غروركـ]

مدري وش اللي في كلامـك خنقنـي
كنـك بكـل احبـال صوتـي تعلقـت

اقـول لـو ماقلـت واللـي خلقنـي
اشتقتلك واللي خلقنـي لـك اشتقـت

انت اضمنك والشك بك مـا لحقنـي
لكن ولو صرت اضمنك ماضمن الوقت

[الـشـقـاوي]

عمري{.. زهر بس للأسف صار .. ذبلان} ..
وكل المياهـ بكبرها ماسقتني ..

عمري بحر ..قلبي معه دوم ..عطشان
أشرب بس كفوف الزمن .. ماروتني

[سعد عبدالله]

أشوف كلن مع حبيبه تهنى

[ذبحني غروركـ]

لاصار عقلك ثقيل.. وصار قلبك خفيف)

عزالله إبتبتلـش ...وإتضيع فالمعمعـه

ولاصار صاحبكْ.. دلوع.. وجميل.. وعفيف

خل العقل يسكت وقلبك .. تفاهـم معـه

[الـشـقـاوي]

الجرح ماهو خاطر شوي ويروق
الجرح حتى لو تشافى يعللك
واذاك متحمس متاهات وطروق
انا تعبت اشد حيلي واحاولك
سماي ما شيّ شمس ورعود وبروق
والريح ماهبت ولايجري الفلك
والقلب ناشف بحر وشقوقه شقوق
وشلون بيكوّن سحاب ويبللك
يا ضامي انا الضما ومتشبع حروق
واذاك ضامي للمواصل .. انا هلك
هلك ووقف في وجهي الاصل والذوق
والمجتمع والعرف والفقر واهلك
متعومس وحزن النبلاء مرموق
يعني لو احتاج الك ماجيتك اسألك
اللي علي اشكي واعاتبك برفوق
واقولك ودي ماعاد اتأملك
من دورة الايام ياخوك مخنوق
الوقت مشاني من السلك للسلك
ازل خطوه .. بس ما ازل منطوق
ولو صارت ابحب خشمك واجاملك
يبقى البني ادم مجرد ومخلوق
ملك .. ولكن في الحقيقه بلا ملك
كذاب.. قايل كل مطرود ملحوق
سنيييين وانا اطردك وازريت لا اوصلك
كنك تطيش وكني ادور في طوق
كل ما وصلت اخرك يطلعلي اولك
ليت مافي خاطري شوق وحروق
ماكان حسيت ان انا بس من كلك
الشوق ماهو رعشه وقبضة عروق
وماهو اللي من شينك فعينك يجملك
وماهو شعور ياخالق الروح برفوق
وماهو سحر ولا ادري والله شقول الك
انا سحابة حلم وتطير بك فوووق
وتطير ولا ودك انها تنزلك
الشوق هذا .. والا انا شوقي البوق
ماقد حصل في شوق هذي ولا تلك
تدري وش اسوي ليا اضناني الشوق؟؟
اسوي بعيوني كذا واتخيلك
واقربك واتوق واتوق واتوق
واكثرك واحلف ماعاد اقللك
واصورك في الموق وتكبر على الموق
وتطيح مع دمعي على ايدي واقبلك
هذا غلاي اللي مع الدم مدق
وقولا عاد تسأل عن شعوري وازعلك
محبة ماهيب من طارف السوق
لو انك توكل.. كان والله لاكلك
جيتك حقوق ورحت ماعندي حقوق
وان قلت ما احبك ابجحد مواصلك
احبك .. الا يا بري حالي وعوق
من كثر ما احبك اخاف اني اقتلك