[مفارق حائل]

ماعاد باقي غير سِكّه يالأبواب ْ
كانوا هنا واليوم رَحْلوا وغابوا

أبوابْ مفتوحه دراااايش بلا أحباب
عيون ْ تدمع حزنْ وعيون ذابوا

أوراق مِنْ أمس الحِكَايَهْ وغِيّابْ
الذكريات أطفال بالروح شابوا

ماعاد شفناهم ولا ردّوا عتاب ْ
كأنّهم مُخْطيـن فينا وتابوا !

[مرتاحه دومز]

ان كان فعلك مايعدونه الناس
حاول من فعول النشاما تعلّم

لاتحسب ان القيل والقال نوماس
خلّ الفعل بين الفعوول ايتكلّم

[مفارق حائل]

صوتك ما هو ناعم زياده ، ولكن !
في نبرته حاجه .. عجزت أكتشفها

قبل تحركني .. تثير .. ( الاماكن )
و أنت تكلم ، بس شفني و شفها !

[الـشـقـاوي]

المشاعــر ماهي كلمـهـ ( تنتهي ) بوصف
الشعور...
لو أقول إنــــي [ فقدتـــــــك ]

ماظنـــي قلت شي
..

[صعصعة]

(يافلان) ‏عامل الناس مثل معاملة ذاتك
وإكسب قلوبهم واغلا محبتهم
لاتكبر على العالم بنظراتك
أنت وش قيمتك لولا صداقتهم

[مفارق حائل]

المشكلة ماهيب فيني ولا فيك
المشكلة في قلوبنا اللي توالف

تقول لي مابيك واقول مابيك
وقلوبنا من دوننا في تحالف

[صعصعة]

كل السواليف لا راحت ولا جت
نحاتي الناس والعالم تحاتي

محّد بيدخل معي قبري ليا مت
هذي حياتي وأنا حُر بحياتي

[راسبه بالحب]

بين صدّة رفيق ، وكبرياء مهزوم
عين شحّت علي ، وعين استسمحت !

بس ما الله خلقني من بكاي / معـصوم
وادري ان الحناجر لو تفيض ؟ [ فضحت

والله اني على جرحي / صبور ، وكتوم
لكن الدموع ان روحت ، روحت ..!