[سعد بن عادي]

.
.


لاعاد عرفك ياشبيه الظبي يأخوه الشقيـق
ياوجد حال اللي حواله ماعـرف تنسيقهـا

ضيعتني ضيعة فصيح زلّ وأغواه الصديـق!
يبـي يوفقهـا لكـن مالله قسـم توفيقهـا

بيني وبينك لوّ يشح الوصل ويجف الرحيـق
ماجف قلبي من شفق شمسك ومن تشريقها

[سعد بن عادي]

جروحك اللي بقت .. تعالي اخذيهـا
البارحه موّتوني فيـك واحيّونـي !!
والموت ماهو من الفرقـا وطاريهـا
الموت لاطاحت عيوني من عيوني !!

[سعد بن عادي]

بين السهر والليل والشعر والطرس
والجرح والاشواق والورد والتوت
واسلوبك الناعم .. وتفكيرك الشرس
ابفقد انفاسي على ايديك وآموت

[سعد بن عادي]

لي صاحب ٍ ما ربطني في طرف كمّه
ألاّ غرام ٍ فـي عينـه قـرّ ميزانـه
لو كنت مانيب واحد من بنـي عمّـه
الحب كل البشـر ناسـه وعربانـه !
يممّت لـه خاطـري واليمّـه اليمّـه
أشيل حمل الغـلا بإسمـه وعنوانـه
دايم يطيّرني .. وشـمّ الهـوى شمّـه
وأن طرت ما أوّقع ألاّ بين حجّانـه !
يقول شعر الغزل مـا تلتفـت يمّـه
وقصايد فـالمصايـب مالهـا خانـه
رغم أنه أكبر مصيبه وأكبـر مطمّـه
أزريت لا أكتب قصيدة حبّ من شانه
والله لو يستحي شعـري علـى دمّـه
ما كان عيّا عليـه يكوسـر ألحانـه

[سعد بن عادي]

جيتي غريبه .. وابتعدتي غريبه
والاغرب ان طعونك الخضر هيّ هيّ
صحيح ! ماكنتي بقلبي حبيبه
لكن ماهو معناه .. مانتي ولا شيّ

[سعد بن عادي]

ان جيتني / مالك الا طيبة الخاطر ..
ـــــــــ .. وان رحت / هذا الفراق وهذي ظروفه ..

[سعد بن عادي]

هلا بأغلـى منـادي للغـرام وسيّـد الأحبـاب
زهمني واصبح لحاله في قلبـي سيّـد وباشـه

أدوّر من كلام الحب لعيونـه مـا لـذّ وطـاب
وأسوقه من مشاعر صادقه ماهيـب غشاشـه

يبادلني وابادله المحبـه مـن غـلا واعجـاب
صحيح ان المودّه فـي قلـوب النـاس نباشـه

ليا قال انت شاعر قلت وأشعر بأنـك الاسبـاب
وسلهم لي خجل واطلق من رموش الحيا ارماشه

[سعد بن عادي]

أبرك ضيوف الهوى وأغلى مساييره
ريحانةٍ تقطف اللهفه مـن أعماقـي
ماهيب من قوم ( أبو دقه وتسكيره )
من قوم ( لاحاسبت ماتاخذ الباقي ) !!