[سعد بن عادي]

ألا يا مصدر الهامي عسى شعر الغزل يفـداك
مع ودي وتقديـري .. لشعّـاره وجمهـوره
ما خلوا لي مجال افتح فمي والحال ما يخفاك
بعد صفواّ وكل ٍ مـع حبيبـه ماسـك ٍ دوره
انا دوري تعدّا ما قدرت امشي على مشهـاك
وقفت اجمّع اشواقي وساقي منـك مكسـوره
بخصته حقّه وحقّك لك الله مابخصتـه جـاك
مع دقات قلبي لك حـروف الحـب منثـوره
لو اني ما اتغزّل فيك أحبك من وعـي وإدراك
عسى فيض الجوارح لاطواها الصمت ماجوره
تعال افتح بصدري يا هواي المعتمـد شبّـاك
لعلّك تعتمد ما قلت لك بالصـوت والصـوره
انا اللي من كثر ما قال أحبك وأعشقك وأهواك
نبت له في لسانه وردتين ويَبـس حنجـوره

[سعد بن عادي]

ما يغش الناس غير الحاجه المغشوشه
والمصيبه كان خلق الله ما تدري عنها!
شاشت اللحيه على ابو شوشةٍ منفوشه
لين صارت سالفتنا صبهـا واحقنهـا

[سعد بن عادي]

تشقلبوا يا بادعين القوافـي
واللي يجيد الشقلبه صفقوّا له
ماهوب لازم كل شاعر سنافي
كم شاعر ٍ مافيه ذرّة رجوله

[سعد بن عادي]

اللي مع الوقت لا سرّا ولا ضرّا
نعامله مثل خادمنـا وحارسنـا

ما يقلط الاّ كريمٍ سمعتـه غـرّا
والاّ شجاعٍ لجا ذكره ينومسنـا

واللّي لاهذي ولاهذي يقف بـرّا
يضف وجهه لا يقلط في مجالسنا

[سعد بن عادي]

كتبتك في غلاف الذاكـره ميعـاد مايِجفـا
اشوفك كلما افتح نافذة حسـي ووجدانـي
احبك والمسافه نـار عيـت بيننـا تطفـى
دخيلك لو طوتنـي دنيتـي ليّـاك تنسانـي
مادام جروحنا عيت بطول سكاتنـا تشفـى
تعال اكتب بكف البوح كلمة (موت حرماني)
وعوّد للسكـوت اليابغيـت وخلنـي بغفـا
على أخر كلمتين تقولها لو توقف ازمانـي

[سعد بن عادي]

لكي تبحر في سعادة ليس لها ساحل...
أركب زورق التقوى..
وليكن مجدافك ذكر الله.

[سعد بن عادي]

إنغلاقـة صـدر والاّ ملـذات ونعـيـم
هي كذا احوال المحبين وظروف الحياه !

[سعد بن عادي]

همٍ يطاولنـي معـا فكـة الريـق
كنه يغني لي عسى منـت رآيـق


وتطري عليّه بسمتك وافهق الضيق
واذكر معاها غيبتـك واتضايـق