[بيطار الشعر]

اقتباس من مشاركة عنتر زمانه هنا الشعر والاخلاق تستمتع وأنت تتابع وتقراء شعر وقد يكون هذه المره على مستوى أقليمي وسياسي فهذا الذي نطمح اليه من شعراءنا الافاضل رغم قلة بل نادر ان تجد شاعرين يلعبون على معنى سياسي بحت محيط بالمنطقه او انه مؤشكوعلى الابواب .. ربما يكون معالج لهؤلاء المشاكل المفتعله او المدبره ولم يفعل بها حتى الان شاكر لكم هذا البوح والجووووا الاخوي هنا لله دركم وتبقون نموذج ونبراس درب لكل من يبحث عن النجاح

الله لا يهينك يا مستشارنا الفاضل على كل حرف كتبته ,, وسلمت يداك من كل شر ,, وشرفنا مرورك العذب والذي يفرحنا عندما نرى توجيهاتك طال عمرك وتبقى لنا ذخر وعزيز وغالي ,, والف شكر ياعنتر زمانه ,,, تحياتي لشخصك الكريم .

[شاعر الصعاليك]

شكرا لك اخوي عنتر زمانه على كلامك العذب
وانت استاذنا جميعا ونتعلم منك .
واشكر اخوي البيطار على ختم الطاروق ،
واللعب معه لحاله كنه ختم ههههه

[شاعر الصعاليك]

مبروك يالبيطار والفين مبروك=من خاطر ٍ فرحان رغم البلاوي
قريت لي نص ٍ ولا فيه مشكوك=وازريت لا افك العقد يالمداوي

الله يبارك فيك وانتـه ياصعلـوك=تستاهـل التعييـن لشعـر راوي
النص ماثبت على بند وصكـوك=ولا افتى به اللي يصدرون الفتاوي

ابقار لكن دونها باب مصكوك = من جوعها تبغى تقض العراوي
وانته لا طبيت المداين ينادوك = يا قايد الشعار قربك مناوي

من ما حمد للعافيه يأكل الشوك=حتى يميز بالحيـل والهـزاوي
اعدائي ابكفي ترى احوكهم حوك=وما اصادق الا مبعدين الهقاوي

اليوم سبع اسنين بالخير طروك=سبعه وسبعه عندكم كم تساوي
الحر فالديره غدى عبد مملوك=ولا عاد ينفع فيه كثر الرجاوي

درب الفخر بالعز والطيب مسلوك=واترفرف الأعلام قبل العـزاوي
نجد المسمى غير عن دار كركوك=وشيوخنا مايشبهـون الشـواوي

يا اهل العقار اللي يغطي على بنوك=يا كيف فالميقاف صاحت مضاوي
من يسترق للسمع بالشر مشبـوك=ويجيه من بطن السماء نجم هاوي

نصرف ذهب قدام لا نطلع البوك=حلالنا مكسب ولاهـو رشـاوي
اعوذ بالله من شياطين هنكـوك=اللي يخمونه يطيـح امتسـاوي

دام الجمل مربوط ما هو بمفكـوك=خلك تمشى فـي ديـار الخـلاوي
وان طالت المده والا صحاب مروك=تدري بأن الجـرح مالـه مـداوي

عزالله انه دك بالصدر داكوك=من بعد حل الفقر عند الغناوي
احذر من اللي للمقاشر يدفوك=ياصاحبي لاتصير بالحيل غاوي

[العميل السري]

صح الله السنتكم طاروق
يستاهل الختم
وشعراء مبدعين مشكورين

ولكم تحياتي

[بيطار الشعر]

اقتباس من مشاركة العميل السري صح الله السنتكم طاروق يستاهل الختم وشعراء مبدعين مشكورين ولكم تحياتي

صح بدنك يالعميل السري وتستاهل الطيب
وماعليك زود طال عمرك وشرفنا مرورك