[بروفسور الشعر]

نضحك / ونمزح / وكلاً داخله عبره
يـ : وقت لا تخدعك ضجة أغانينا ..!!

حنا نسلم : عشان الناس ماتشره
وإلا الوجع والله ان نبطي وهو فينا ..!!

[بروفسور الشعر]

عمري مالقيت شي تاخذ راحتك فيه ولك وحدك غير هالمدونه هههههههههههه

[بروفسور الشعر]

فليتك تحلو والحياة مريرة ... وليتك ترضى والإنام غضاب
وليت الذى بيني وبينك عامر ... وبيني وبين العالمين خراب

[بروفسور الشعر]

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا




وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا






تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات

[بروفسور الشعر]

الطموحات دايم تقهر المستحيل /
كل مجهود تلقى لاجتهدت ثمنه

افتقار الكريم ولاغناة البخيل /
الكرم لالقى فالرجل عيب دفنه

خل كفك على من جاك ظله ظليل /
من تنصاك يبغى عون دنيا عنه

ابرك المال للرجّال في كل جيل /
مايجي دون ميقافه ودون صحنه

وان تسمعّت في قوّال قالوا وقيل /
صرت جوال لاجاه الرصيد شحنه

لوتعيل الاوادم كلها لاتعيل /
اكبح لسانك الجامح وتل رسنه

لاتهيزل اليا اوحيت الكلام الهزيل /
كفن اللي ينقّص قيمتك بكفنه

خل صدرك وسيع وخل هرجك جزيل /
لاتعرّض عباد الله وعرضك صنه

وان تجملت فاللي مايحفظ الجميل /
لاتحسف ترى السيه تحجب حسنه

خلها بذرةً مدفونةً في مسيل /
يمكن السيل يحييها بعد كم سنه

[بروفسور الشعر]

الطموحات دايم تقهر المستحيل /
كل مجهود تلقى لاجتهدت ثمنه

افتقار الكريم ولاغناة البخيل /
الكرم لالقى فالرجل عيب دفنه

خل كفك على من جاك ظله ظليل /
من تنصاك يبغى عون دنيا عنه

ابرك المال للرجّال في كل جيل /
مايجي دون ميقافه ودون صحنه

وان تسمعّت في قوّال قالوا وقيل /
صرت جوال لاجاه الرصيد شحنه

لوتعيل الاوادم كلها لاتعيل /
اكبح لسانك الجامح وتل رسنه

لاتهيزل اليا اوحيت الكلام الهزيل /
كفن اللي ينقّص قيمتك بكفنه

خل صدرك وسيع وخل هرجك جزيل /
لاتعرّض عباد الله وعرضك صنه

وان تجملت فاللي مايحفظ الجميل /
لاتحسف ترى السيه تحجب حسنه

خلها بذرةً مدفونةً في مسيل /
يمكن السيل يحييها بعد كم سنه

[بروفسور الشعر]

عضة شفايفها وانـا جانــي المـوت
تغمز بعين وزادت الطيــن بله

كن الثنايا ثلج وتعض في تـــوت
ومن خدهــا تقطف من الورد سله

ومعلِقـه في نحرهــا عقد ياقوت
ومن البياض العقد ضَيَّع محلـه

عنقا طويلة راعية خصر منحوت
البطــن ضامــر والفواكـــة مطله

اذا أقبلت هيبة لهـا تقطع الصوت
واذا أدبرت من ردفهــا جاك علــه

وجديلهــا فالبـــرد ما ترتدي كوت
غطى الظهر وأردافها تحت ظِلــه

إذا حكت ماعاد يحتاج لــك قوت
منطوقهـــا يغنيـــك عن كيف دله

تسهر معك والوقت يسرقك ويفوت
يفوت معهـــا في وناســـة و فلــه

مافيـه منهـا في مراكش و بيروت
استحوذت هالزيــن دقه وجِلـــه

من عقبها حُطوا الصبايا بتابوت
هذي تخلي الخل يغتال خلــه

[بروفسور الشعر]

يازين آلايام لأفكرت بالماضي

لكن لو تعود يالغالي كرهناها