[ادري طيبتي غلطه]

اقتباس من مشاركة عويض شامان فكرة وطرح جيدوبداع تشكرى علية جزيل الشكرلك منى التحية والتقديرفاالى الامام

هلابك اخوي عويض

ومشكوور على اطرائك

يشرفني تواجدك

[بقايــا إنســان]

عدم الرد لا يعني عدم الحضور


...

متواجد دوما هنا

[فيصل ابن عدله]

ياضيق الصدور
أه ياضيـق الصـدور .. وآه ياكثـر الطـعـون

فـي زمـانٍ فيـه حتـى كلمـة أسـف ماتفيـد

الخطاء ضيفٍ تسكـع بيـن يمكـن / أو يكـون

لين قلنا .. مرحبـا وأهليـن فيمـاً .. لا.. نريـد

قال مـن بـاب الميانـه / قلـت ياعمـي تمـون

قال ياااطيبك .. ولـي فـي طيبتـك مغـزا بعيـد

قلت ..لا لا .. مايصير .. الضيف لا يمكن يخون

وانت مرسولٍ مـن الغالـي ولـو باسـك شديـد

لكن اسلـم لـي وسلـم .. لا وصلـت ابـو ....

ثـم قلـه ماهجيتـه / ...لا .. رثيتـه بالقصيـد

من سنه وأنا مهوجس .. بين / شكي / والظنون

لين طلت شمس صبحي .. واشرق العلـم الأكيـد

قلـت إن المـوت حـق .. وكلـنـا لذائـقـون

سكرآتـه لا تغلغـل .. بيـن شريـان ووريــد

وكلنـا مـن هـذه الدنيـا .. لحقـاً راحـلـون

ولا إلـه الا الله .. المعبـود واحنـا لـه عبيـد

ومؤمن (ن) إن البشر .. يـوم القيامـه يبعثـون

ومن عمل للأخـره فـي دنيتـه .. هـو السعيـد

وأن بالأثنيـن ترفـع .. حسنـات الصالـحـون

للإ لاه الواحـد المعبـود ..ذو العـرش المجيـد

وأن أعمال العبـاد .. الحاقـدون .. المبغضـون

ترجع اليـا مـن كـلٍ .. يلعـن ابليـس المريـد

وأن / إن / وأن / إن / همزه / الف / واو / نون

يعنـي يكفـي ماسبـق .. او اليكـم .. بالمزيـد

و مــــع
مع ضجيج الناس شفت .. شايبٍ يمشي بهون

حزن / ممزوج بوقار..! قال لي أرجوك عيـد

؟؟ قلت

قلت .. يااااضيق الصدور .. وآه .. ياكثـر الطعـون

فـي زمـانٍ فيـه حتـى .. كلمـة آسـف ماتفـيـد

إن قرينـا / ماكتبنـا... وان كتبـنـا / يمسـحـون

وان ركضنا / ماوصلنا .. وان وصلنا / وش تريد..؟

وان حكينا / ما أحد يصمت .. وان صمتنا / منطووون

وان عطينـا / ماعطينـا .. لا رصيـد / ولا رصيـد

وان شكينـا قالـو إنــا .. شـعـراء وهائـمـون

يتبعنـا كـل غـاوي .. والغـوى دربــه مـديـد

والآلم / يجتـاااااح رجـلٍ .. دمـع عـزه مايهـون

له مقـام / ولـه مقـال .. وعـن دروبـه مايحيـد

مايهمـه .. مايهمـه .. فـي غيـابـه يفـرحـون

حكمته في هالحياه .. ( فراق بعـض النـاس عيـد )

وصفق الشايب .. وقـال .. آآآه.. ياكثـر الطعـون

من ولييييد .. وطاح يبكي .. قلت / ( لا ) ياابو وليد

شاعر / فيصل البركـــي

[فيصل ابن عدله]

البارحـه ماتهتنـا العيـن بـرقـود

من هاجسـا بالقلـب محـدا درابـه

قالوتحضرالمجتمـع قلـت موجـود

والمجتمع نـدري عنـه ويـش مابـه

عمري ورى العشرنات من حمدابا الجود

واليـوم شاعرعـن عبس بالنيـابـه

حنـا عبس لاطـقـو العود بالـعـود

يومـا كلـن يحتفـض فـي جنابـه

حنا على عهـد الملـك علـم ماكـود

وحنا على ديـن النبـي والصحابـه

ملوكنـا تاطـا علـى حيـة الــدود

ومن هزه الشيطـان يطحـن زهابـه

حمايـة الاوطـان والنـاس بهجـود

وبدروبهـم تشبـع عيـال الذيـابـه

يازمرة الارهاب كـم بيـت مهـدود

وانتـم سبـايـب علـتـه ولتهـابـه

طريقكـم بالديـن والسيـف مسـدود

وهذي نهايـت كـل مجـرم إرهابـه

يأهل المثل قولو ترى الدرب مقعـود

من طاح بالميـدان عطبـن صوابـه

السيف مـن دون الحرميـن محـدود

في رايـت الاسـلام ماهـي نهابـه

صـلاة ربـي عدماحـنـة الـقـود

وعداد ماهـل المطـر مـن سحابـه

على الرسول اللي على الحق مشهود

علـى طريـق الحـق يقـرى كتابـه

الشاعر ............ فيصل البركي

[ادري طيبتي غلطه]

هلابك


اخوي بقايا انسان وبحضورك المشرف

[ادري طيبتي غلطه]

ما زلنا متواصلين مع شاعرنا المميز

فيصل حمد العويمري

اللذي امتعنا بحضوره المشرف

وبشعره الرااائع


اهلا بك شاعرنا

[فيصل ابن عدله]

حكاية مؤلمة جدا تتكرر في المستشفيات
وهي /إهمال الطبيب وخيانة المهنة
وهذه الحكاية حدثت في مستشفى المساعدية في جدة
والدور في هذه المرة كان على الطفل : (متعب) وعلى يد الطبيبة : وفاء طرازي
واذا كان للشعر رسالة فهذه رسالتي إلى:طبيب/طبيبه

لـك الله ياصغيـر السـن ماتـدري ولاتعلـم
لقو فيك الأطبا جرح .. وكلِّن غزْ بـك إبـرة
ومع إبرة .. ورى إبرة ..يغيب النور وتظلِّـم
ولا لك ذِكر غير امسك .. ولا لك حلم في بكرة

باستفزك ياهجوسي واكتـب حكايـة حزينـة
ودي اجمع كل حزني واستثيـر بقـاف(أوه)

(أوه) ياقلبي توجّع واجعـل القسـوة لعينـة
الحكاية ضاع متعب وودي احزن مثل اخـوه

يُذكر انّه كان متعـب فـي مرايـا والدينـه
إيتمسّى عنـد أمـه ويتصبّـح عنـد ابـوه

طفل توّه في مهاده ماوصـل سبعـة سنينـة
ماتبرعـم فيـه عقـل ولا تنبّـا وراقـبـوه

جمّله ربه بصـورة والهمـه إسمـه ودينـه
يشهـد ان الله واحـد لا إلــه الاّه هــوه

يعمي السكين نور ويقطـع المُعجـب يدينـه
ويسلم التفاح خدّه .. بالشواخـص يشتهـوه

طاح في زحمة عيون الناس وانجرحت يمينه
وصاحت امه له تنادي : ياوليـدي إلحقـوه

ضاع دمه فالبـلاد وذبلـت اطرافـه وعينـه
إلحقوه.. دمه اللي ضـاع دمـي.. أسعفـوه

والممرض والطبيب وإبرة وشـاش وقطينـة
سبـب الله طبّهـم للشفـاء ومـا شـفـوه

شلّوا اطرافه بإبـرة ثـم راحـوا مهملينـه
ياحسيـب الله عليهـم دون حـس يعذبـوه

حي ميِّـت مايشـوف ومايحـسِّ بزايرينـه
ياحسـافـة /زاوروه وكنّـهـم مــازاوروه

تشتكي بالدمع عينه يوم ناموا عـن ونينـه
عجزهم والفقر عزّا صبرهم فيـه/ ونسـوه

مين متعب ؟ وين متعب ؟ وين زحمة معجبينه
أتعب الذكرى وغاب وكشّـرت كـل الوجـوه

سكتت الأصوات عنده يوم سالـت دمعتينـه
(دمعة) تكفكف دموع و(دمعة) تقول: اسمعوه

ضاع صوته والدموع (إ)تترجم حروفٍ حزينه
والكلام اللـي تحـدّر فـوق خـده يجهلـوه

الشاعر / فيصل حمد البــــــــــــــــــــــــــــركي

[ادري طيبتي غلطه]

فعلاً قصه انسانيه

وهدف انساني


وحسبي الله على كل من تسووول له نفسه التلاعب بصحة الاخرين والتطبب فيهم


اخي فيصل كتبت الشعر فابدعت فيه

وظفت احساسك لاغراض انسانيه

جزاك الله خير الجزاء