[ذيبان الرشيدي]

الا ياذا العذاب .. اللي تباطيتـه وشـب النـار= عليك القلب كم غنى .. وسجـل لـك تماثيلـه
الا ياهم ذاك الصاح .. توه مـا أنتهـى المشـوار= مادام القلـب .. قـد قنّـد تواصيفـه وتحليلـه
تمرد حلمك الوردي .. على قلبٍ نظـم صبـار= وساق حروف شعراً .. مانطقها شاعـر بـجيلـه
بحور الحزن .. وان مدت على شاطيك والمخضار= فلا تجزع على وقـتٍ .. تقافـى وانعفـس ليلـه
وشيل الهم عن عينك .. وجيب من الألم تذكـار= وقهقه واضحك بشوفت .. مراسيلـه ومنديلـه

[ذيبان الرشيدي]

.
هالمشاركه
مداعبه حصلت بيني وبين الشاعر الخلوق رائد الذيابي
وكانت
في بحر الارتجاليه
أطرحها
للتوثيق
و
أقدمها لكم
عل وعسى
أن تحظى على حيزاً من إعجابكم

اقتباس من مشاركة رائد الذيابي شعر البشر .. كله افبطنك اكلته=ومدام تقصد .. شعركم مالنا فيه ! في كل يوم موضوعٍ .. قصيدك هملته=واشيب عين الشعر .. لاحل طاريه شعر التقاليد القديمه .. نسلته=من غمره .. اللي في ضلوعك مواريه الشعر ماهو يالبناخي بـ / فلته=الشعر شعورٍ للمسامع .. يداويه وانته تبطح .. فيه وتقول نلته=واشيب عينه منك .. لاحل طاريه

ههههههههههههههههههه

اسمع اسمع
دام الله
حذفك بذيبٍ .. ماغربلته الليالي ههههههههههه

سريتها .. ودن الفكر وأرتجلته = شعراً مصفى .. مقحصاتٍ تواليه
شعراً مقفى .. للذيابي عدلته = مع بوسةٍ .. تجرح وتدمي علابيه
كم شاعراً قبلك .. حكيت وهبلته = حتى أستجن .. ودهورتبه مساعيه
واليا دعاني .. ماهفيت وخذلته = استاقله شعري .. بمره وحاليه
وشعر العرب .. ياصاحبي ماجهلته = اطرد محاريفه .. وأعنه وأهاديه
قَلتْ مغاريسه .. وأشوفك شتلته = وشلون .. ياذباح زرعه وساقيه
ماكل ضلعٍ .. لابغيته وصلته = ولاكل حلمٍ .. ياالذيابي تراعيه
ماني بمن .. لامن ومنته ختلته = ولاني بمن .. ضيّع توالي قوافيه
ماهمني درب الخطر .. لادهلته = ياما تمشينا .. ودجنا مفاليه
واليا بغيت الشعر .. قلتـه وطلتـه= واليا عصاني .. قمت أشيله وأوطيه
مادامني .. في مجمع الصـدر شلتـه= نذراً لاصون الشعر .. وأحكم مباديه
قد قلتها .. يومك نقضت وجعلته = مثل الذي .. لارحم جده و واليه

[ذيبان الرشيدي]

هَتانها جَوّح .. على مهمـه الـدو = وأحيت مقاديمه .. قفـار الوسيعـه
وطابت مباهيري .. على شبت الضو= وأضحيت أماري .. وقعها والطبيعه
وقمت اتصنع .. من تصاويرها جو= واموقها موق .. الرفـول الرفيعـه
بنتٍ .. نحرها موضح النير محلـو= من شافها .. قال الهوى مـا نبيعـه
مشذوبها بين الخلايق .. حبـا تـو= وشغشوفهاا .. اليا طرق نستجيعـه
ياليت .. مشهاة الأوادم على لـو= لا أقول ليت .. عناقها نستطيعـه

[ذيبان الرشيدي]

أعترف
أفلست شعراً .. وأفلست نثراً
فلتعذروني
لركاكة ما أكتبه

أحترت .. اداري هالجروح القديمه= واعانق الغيمه .. وليل الضياعـي
لاصار .. مالي بين الأجواد قيمـه= مالي على الجلسه .. لزومٍ وداعي
ماني من اللي .. يرتضي بالهضيمه= وأنا الذي .. محدن لوالي ذراعـي

[ذيبان الرشيدي]

تهــــون لاقالوا ... مريـضٍ ... ومشــلول
وش عاد لو قالوا ... جــــــفاك ... وتغيّر
تهون ... عندي لاغدى الهجر .. محصول
وأشوف .. أنا فكري ... أستضاق وتحيّّر
فعلاً أحبه ... وأصـــدق الشعر مرسول
مير البــــلا ... خــــلي ... عـــليه تطيّر
من قديمي المغبر

[دامي الحرف]

يردني عن فتلت القاف حاجه = ويصدني كبراً من الصاح ما ابيه
أن كان في جوه تبين العجاجه = أهلاً هلابه في خفوقي بذريه
وأن كان عيّه في نهار المواجه = ماكل مزنه تبلي القاع تحييه

[ذيبان الرشيدي]

هذه
كانت مجاراة وحل للغز
الذي
سبق
أن قمت بطرحه مُنذ فتره قصيره جداً
ولكنها
حدثت في إحدى المواقع
والذي
أتوانى عن ذكره

يقول
شاعرها أو شاعرتها
فلم أحدد
جنس من كتبها
من
خلال شعره ورده

اللغـز واضح والمعاني بديعــه ،،،= والفرق مابينه وبين الثرى فـــوق ،،،
هو منوة اللي كب ربعه وديعه ،،، = الشـايب اللي دمعته بأسفل الموق ،،،
وأنشدك عن بنتن تعـز الشريعـه ،،،= بنتن خلقها الله على يدين مخلـوق ،،،
سـاعه وصارت لليهودي فجيعـه ،،، = الله خلقهـا تكبح الشـر والبــــوق ،،،
ذيبـان ياذيبان صـارت مريعـه ،،،= للي بناء الأهرام طابوق طابوق ،،،
قلت بأمانه قلت لازم نطيعـــه ،،،= لأنك رفيع إحساس وأنا ( ....) روق ،،،

فكان
ردي كالأتي

الحق يظهر .. للنشامى جميعه = والليل نشوة .. كل عاشق ومعشوق
والصبح زفيته .. وهزت الرفيعه = لو أن قلبي .. من ضنا الوقت محروق
يامن تغنيت .. الرجاء والقطيعه = وطرقه تمطرق .. بين سابق ومسبوق
اسمع كلامٍ .. قد تساطع لميعه = مثل الذهب .. لامن ظهر يذهل السوق
الله وأكبر .. والعصا .. والرضيعه = دلت ومدت .. والنبي صار ملحوق
أردد الهرجه .. بنفسٍ مطيعه = وأبجل اللي .. عالمٍ كل مطروق
ربٍ نماريبه .. ونطلب ربيعه = ماغيره أحداً .. رازق الناس والنوق
وبنشدك عن خبلٍ غدا .. بالطليعه = خبلٍ يورد .. يالرضي هم وحروق
خبلٍ .. تخطى والخطايا شنيعه = من عقبِ بان الفرق .. ياحالي الذوق
قد شَيّد بيده .. حصونٍ منيعه = وله وقفةٍ .. مابين عاقل ومطفوق

طُرحت
لعدم توافد جيوش الشعر
في
وقتي الراهن

[بدر نوران]

انا من البارح وانا أكتب شطر وامسح شطر
عجزت احدد لي طريق ٍ يستحق اني اسلكه!

مره عتب مره غزل مرات اخليها قهر ..
بس المهم اني عشقت اللي ما ظنيت املكه !