[وحيد]

أنا لعيونك ما أمل الإنتظار ...
لو قضيت "العمر كله" أنتظر...
عطني أخبارك ولو هي بإختصار...
لا تخليني" بهمي" أنتظر
وهذا غلاك ولع بالقلب "نار"
هات كفك كان ودك تختبر ...

[عبدالعزيزعلي]

أنا لا قـلت لك غــالي .. تـأكد أنك الغـالي

أنا لي قـلب لا منـه عشــق .. سلـّم مفــاتيحه ..

[عنقود البدو]

أحيان صدري من نظر عيني يضيق
واحياان لا والله من اللي اسمعه
مدري انا اللي غير واحسااااسي رقيق
والا صدور الناااس مافيها سعة

[مرزوق العجوني]

همسك لو.. أنك بعيد اهناك ياصلـي=واشم عبق الشعور الطاهـر الراقـي
يسعد مساءات يومي وأنت في كلـي=تشعل شموع الامل لاحـلام خفاقـي
انت الوطن ياملاذي لا نـزف غلـي=من غربة(ن) تستبيح الجرح بأعماقي
نزعتني من كفوف اليـأس ياخلـي=ولميت جرح(ن) نزيفه فاض بأوراقي
وغمرتني في حنانك كيـف ماهلـي=في حبك اللي يجاذب لهفة أشواقـي

[عبدالعزيزعلي]

جيتك شعر كله حلا و اعذوبه=جيتك غلا خل الشكوووك تولي

[عبدالعزيزعلي]

خل السوالف أنا مشتاق لعيونك.
عجل وشف لك طريقه نلتقي فيها.
لاتخلي الشوق يذبح حال مجنونك.
لاجتك فرصه طلبتك لاتعديها
إترك هلابك وكيف الحال وشلونك.
جلسه معك تسوى الدنياومافيها..

[االعدهي الرشيدي]

يعطيكم العافيه

ياعل دار فرقت شمل الاحباب...في قسمة الله ماتجيها الرعودي

تـــــــــــــــحـــــيـــ ـــاتـــ ـــي

[النمر1012]

مساء الخير
لا تذرفين الدمع في كف مغليك
وأنا كفوفي حالفة ما تخونك


وقت(ن) قضيته والليالي مشابيك
ما ألوم عيني لو تنادي عيونك


وأنا وربي حالف(ن) ما أخليك
والله مقدر ..اقضي العمر دونك


من كثر ما احبك..غديت احلم فيك
أسهر على همسك وأنام بجفونك


لو تطلب عيوني على يديك تاتيك
ياللي قصيدي نابع(ن) من سكونك


تفرق من وصوفك من الغنج والشيك
وكل البنات الغيد مايوصلونك


مسكين منهو في جماله يجاريك
وكذاب من قال النسا يشبهونك


صوتك, حنانك ..ضحكتك مع تعلّيك
جسمك..حلاك ولون شعرك ولونك


أرجوك لا تجزع عسى الرب يحميك
ببقى انا قربك ولو يحرمونك


أطلق عنان الحب في عين غاليك
وأزرع زهر صدقي وشتت ظنونك


تعبت اعزز موقفي في تجافيك
وقدرت انا ارسم صورتي في(ركونك)


انسى همومي لاذكر يوم طاريك
وأغار من غيري ولو يذكرونك


هذا قصيدي اكتبه فيك واشكيك
من نار بعدك ليتهم يتركونك


لا تذرفين الدمع في كف مغليك
وأنا كفوفي حالفة ما تخونك