[وحيد]

آآآآآآآآآآآآآآآآآه ه ه ه ه ...منكـــ

تبي الصــراحه من دواعي ســروري ،
لا صـرت أغيــب و حضــرة الحــب ما غــاب .

[برق الوسم]

ايه انا حساس ..شفني حاس فيك
لاتفكرني غبي ياابن الحلال!!
الأسلوب اللي رمى قلبي عليك
المحه يمشي معي مثل الظلال

[النمر1012]

هاضت هواجيس الفكر والصّدر باح
وطرالي اكتب للنشاما نصيحه


مثايل ٍ تشدي كما العطر فوّاح
نظمتها لأهل الوجيه الفليحه


حذراك من رجل ٍ على السدّ فضاح
اللي ليا قفـّيت سدّك يبيحه


واحذر من اللي ما تبع درب الاصلاح
كسّابة المتردّيه والنطيحه


بعض العرب يرّث على قلبك اجراح
الله يبعد عن ديارك نزيحه


حتـّيش لو جالك وحتـّيش لو راح
ماهوب ينفع فالليال الشحيحه


اقولها صادق ولاني بمزّاح
لا عاد قرب أهل الوجيه الكليحه


احرص على اللي لْشوفه النّفس ترتاح
اللي يداوي كلّ نفس ٍ جريحه


واحرص على اللي دايم الدّوم نصاح
اللي دروبه كلّبوها صريحه


واحرص على اللي جلسته خير وارباح
راع العلوم الطيبه والمليحه


واحرص على اللي يسعدك وقت الاتراح
ويعجبك لاضاقت عليك الفسيحه


طلق الحجاج و للمواجيب نطّاح
شريف .. عمره ما مشى بالفضيحه


حاوي المكارم كاسب ٍ كل الامداح
ريف ٍ لْربعه والرجال الطريحه


لا ثارت الهيجا معَ شلف ورماح
ينحر حريبه مثل نحر الذبيحه


سعد الرفيق وللعدو سمٍّ اذحاح
امجنـّب ٍ كل الصفات القبيحه


هذا الذي يبقى معك درع ووشاح
والا الرّدي يا ليت يبنى ضريحه


ودرب المعزه يعرفه ربع ٍ اصحاح
اللي تروم المرجله والمديحه


والمرجله يبغى لها صبر وكْفاح
شدّ الحزام وخلّ نفسك لحيحه


والزم كتاب الله على طول يا صاح
ترى بريق الشر يجذب لميحه


واحفظ حقوق الجار .. خلّك له سلاح
قاله رسول الله بحكمه فصيحه


والصمت حكمه والصبر خير مفتاح
والعدل ميزان العقول الرجيحه


هذي مثايل صغتها وسط الالواح
نظمتها لأهل القلوب الصِّحيحه


والختم صلوا عدّ ما بارق ٍ لاح
على النبي واعداد فيض القريحه

[وحيد]

أيام راحت والمعـاني تهـاوت
-------------- ياحيـف من قلـبٍ يغيـر مباديـهـ
الناس وحدهـ والمشاعر تفاوت
-------------- ماكـل قلبٍ يحـفظ اللي سـكن فيهـ
ياليتها جروحي نستهـ وتداوت
-------------- ياليتهـ احساس الولهـ مات وأخفيهـ
دام المحبهـ والخيانهـ تخاوت
-------------- وش عاد ينفعنـي الحكي يوم بحكيهـ

[وحيد]

يالله طلبتك وانت المانع المعطي
يارب فرج على المحزون ضيقاته
اللي بحال العنا والهم من مبطي
ماهوب قادر يحصل بعض ما فاته

[وحيد]

//
(مني اليك خاااصه وليس عااامه)
ياللي علينا بالمحبه تغليت
يالله توكل رافقتك السلامه ..
لا تحسبني بتبعك كان صديت
ماأتبعك دام الراس وسطه كرامه ..
من صد جازيته بصده وصديت
ومن يتبع المقفي يقل احترامه ..
//

[وحيد]

العمـر هـذا فانـي ولاشـكّ تـدرون.... !
........... لابـد أصيـر بيـوم[ ذكـرى .. قديـمـه ] !
تكفون .. لآمـن غبـت يا اخـوان تدعـون ..
.......... ( يارب ... ترزقه ... الجنان ...العظيمه)

[النمر1012]

يضيق بالي من الفرقى و طاريها
و يرتاح بالي بشوفك يا نظر عيني
اشغلت فكري حبيبي وش تواليها
و في غيبتك دمعة الحرمان تشقيني
امشي مَعَ الناس لكن دون ما اوحيها
و اشلون ابنساك و طيوفك تخاويني
إليا طرى أسمك دموع العين اغطّيها
خوفي من العاذل اللّي ما يدانيني
و إليا طرت لي وصوفك جل باريها
من فيض زينك توزّع للمزاييني
تسبى النواظر بنعس اهداب تسبيها
و من بسمتك تخطف قلوب الملاييني
يا مهجة الروح روحي كيف تشقيها
صمتك ذبحني و نار الشوق تكويني
اقرى الرسايل لأجل نفسي اسليها
و أثر الرسايل عقب عينك تعنيني
ما باقي الاّ طيور الورق الآحيها
اذكر بها احلى الليالي يوم تغليني
بعت المحبه و من اول كنت شاريها
و على الوصل و الموده كنت توصيني
ماتت ورود الغلا ماعدت ترويها
ماتت سبب قسوتك يا نازح البيني
حتى العهود القديمه صرت ناسيها
و لا عاد باقي سوى الذكر تقديني
زادت جروحي و لا غيرك يداويها
ليتك تشوف الخفايا كان تبكيني
ضاقت علي الوسيعه مَعْ مبانيها
اطوي سنين الرجا و اقول يا ويني
قلبي يحبك و عيني ساكن ٍ فيها
لا تنخدع بالعواذل و الشياطيني
في روض قلبي ورودك ليت تسقيها
تعال و اسقي ورود الحب و اسقيني
جاتك حروف الشّعر من قبل اسميها
دوّر عباره تواكب للمضاميني
مشاعر ٍ ما تبي يا كود غاليها
و امنتك الله حبيبي لا تخليني ..!!