[ولد حايل]

يفطر عليك القلب وان فارقك صـام ..
.. والله لونك شـوك سـدره كليتـك

[برق الوسم]

في غربتي ، عارضت أنا ركب الأغراب
أشـد .. وأنـزل .. والليالـي ركايـب

أضداد .. وأقران وعدوان .. وأصحـاب
متناقضات الخلـق .. ماغـاب غايـب

وقامت تجاذَبني على درب .. الأسبـاب
نفس الشباب .. يحدهـا عقـل شايـب

أصبح على فجرٍ ضحوك(ن) .. وعجاب
وأمسي على همسات ، ستـر العجايـب

أسهر مـعَ تهويـم نجمـات الأحبـاب
حتـى يصيـر النجـم بالصبـح ذايـب

مشيت في رمضا .. وسنّـدت بهضـاب
وعارضني سيول(ن) ، وهبّـت هبايـب

وأمسيت في صحرا .. و قيّلت في غاب
ومن طاول الغربات ، شـاف الغرايـب

مرتني الدمعـه ، بهـا الوجـد مـاذاب
في غربة الأشـواق ، راحـت ذهايـب

ومرتني البسمه ، تقـل فوقهـا حجـاب
وراك خـجـلا يـارسـول الحبـايـب

والحب.. مريته غريب(ن) علـى بـاب
عقب القصور .. أمست بيوتـه خرايـب

بغيت أسلي خاطـره .. عقـب ماشـاب
لقـيـت مـالـه بالتسـلـي طـلايـب

أقفى مع المقفين .. وجـل(ن) ومرتـاب
على عقوق الوقـت ، بالحيـل عايـب

في غربتي .. مريـت رجلـي وركّـاب
أرزاق .. من رب الخلايـق ، وهايـب

</I>

[وحيد]

يامعدي المرقاب خله لمشتاق
حول وخل معذب القلب يرقا
ياليت ربي ماخلق حب وفراق
والا خلق حب ٍ على غير فرقا

[وحيد]

البعد والغربه هي العذر مشروح
ياصاحبي خلك بعذري قنوعي
لو أتصلت ازداد همي مع النوح
يوم اتصالي دون شوفك يروعي
خذها قناعه مسكنك داخل الروح
لو طالت الأيام هذي طبوعي ..

[وحيد]

خلني في بالك و غيب..
اهم شي ابقى حبيب..
وان حصل و احتجت لي..
صدقني تلقاني قريب..
تلقاني ظلك لا مشيت..
تلقاني دمعك لا بكيت..
تلقاني بسمه لا رضيت..
فيني ضنك ما يخيب..
مني وعد اني اكون...
"الصاحب الوافي الحنون....

[عنقود البدو]

إحرق الـغيم كله لايهمك ... ظماااي
من عرفتك جفاف / وماااا هقيتك تسيل ..!

[الرشـ بنت ـايده]

يا وسيع البال ضيقت الصدور ,,, رحت ما علمتني وين انت ساري

في غيابك مالخلق الله حضور ,,, وفي حضورك مالهم بالبال طاري

[وحيد]

صباح الخير ياعمري.. عسى عمرك صباح وخير
صباح الامنيات الحالمه.. والورد والمرمر

طيور القلب طارت لك .. وباقي في خفوقي طير
بيحضن حبك الخالد .. ويرعى بيتك الاخضر

من الغربه أنادي لك واناديلك .. واشوفك غير
أشوفك غير ما شفتك .. أشوفك اجمل وأكبر

وكل ما قلت اتغزّل .. يخون عيونك التعبير
أعوّد واعترف إني على التعبير ما أقدر

أحبك قد ما أحبك .. أحبك مالها تصوير
سوى انك ملكتيني وعشتي داخلي وأكثر