[مرزوق العجوني]

موج الغلا صار يلعب بي ويلعب به=اغليه انا وزاد قدره يــــوم يغليني
الشوق لاغاب كنه نـــــار مشتبه=ولافيه شي سوى شوفته يرضيني
هذا لـ حاله ولا احــد فيـــه يتشبه=ولافيه غيره يحركني ويغريني

[عبدالعزيزعلي]

النيه الطيّبه مــن طيب منبعها = وكلّن على قدر طيبه يسرج خيوله

مـثل القصيده يدلّـك طيب مطلعها= عنها .. وتبقى بكل لسان مقيوله

[آهــذريــبــك]

يقولون الغلا ينقص إذا وقت المفارق طال
وأقول ان الغلا مده اذا زاد اللقـى قافـي
طموحي شوفتك طيب ومقرون بأحسن حال
إذا شفتك كذا لاشك انا طيـب ومتعافـي

[الكرزالرشيديه]

لا تصدق من يقول أنـي نسيـت..
مستحيل انساااك لو عمري فنا..
وحدك في قلبي ترعرعت وربيت..
وحبك بقلبي تعلى بالبنا..

[مرزوق العجوني]

ياهلا وياغلا بالكرز يالله حيها منوره

الضحكة اللي توزعني وتجمعني =تاخذني ابعد من حدودي وترميني
هي تدري ان ابتسامتها تقطعني=وشلون اجل يوم تضحك بينها وبيني
لو انها بس لا ونيت تسمعني=والا تشوف الحنين ان مرّ في عيني
كان عرفت كيف لا حبّت تدلعني=تسمح ليدها تصافح لهفة يديني
مع انها في طريق الياس تزرعني=لكنها اللي ولا يمكن تخليني

[برق الوسم]

ودعتك الله روح في صمت واسكات
يامن غلاه بوسط قلبــي زرعته
حـكـم القـدر يفـرض علـي المعانات
وحبل الوصل غصـبٍ عليه قطعته
تعبت اجامل واشرب المر كاســــات
ذبحني الواقــع بحــلم صـنــعـتــه

[مرزوق العجوني]

حلفـت اشيـلك بيـن رمـشـي و الأحــداق=و إن كـان شانـت دنيتـك جيـت لبّـيـت
لـو ضـاق وقتـك يا غنـاتـي ولــو راق=معـك معـك مهمـا قسيـت و تناسـيـت
لـ عـاهـدك نبـقـى علـى الـدرب عـشّــاق=و أرجوك سامحني إذا ملْت و أخطيت
بـس افهـم ان البـعـد مـاهـوب ينـطـاق=و انـسـاه انـا لا شـفـت زولــك وسجّـيـت
يا زين قلبـي لـك علـى هـون ينسـاق=يوْلَه عليـك إن رحـت و يـذوب لا جيـت

[فهد القلادي]

ياخذني الهاجوس لامر طاريك ** ويسج قلبي واخل ابجؤ ثاني
اسج في وقتً مضى يوم انا اجيك**يوم الزمن وافي ولابه خياني
هذا الزمن مهما عطاني فرح فيك ** لابد مايأخذ كثر ماعطاني