![]() |
|
خيارات الموضوع | ابحث بهذا الموضوع |
|
انا على نيتي ، واللي على نيته لو جمعوا له سواد قلوبهم بعثره مانقصوا من طموحاته وشعبيته ولاحركو من طرف راس الطموح شعره والشعر ماهوب في وزنه وقافيته الشعر في ندرة بيوته وزين بحره ليا تجاوزت هفواته وسلبيته انا اشهد ان القصيد يصير فيه ثمره يرتاح من يستلذ الشعر في فيته وينام في عين من قض الجفون سهره والشعر كم له فقد نبضه وعافيته كم له تشد الحمول الجايره فظهره ولولا من يهمني وتهمني جيته والله لسوي لشرياني عنه قسطره اللي مهيمن على قلبي بعفويته ايغيب وان غاب ماادري عنه وين ديره ماينعرف مستوى اهماله وجديته آقول ماوالله اعذره واقوم اعذره آخاف لاسلمه قلبي وحريته اسلمه خافقي حتى يجيب خبره عجزت لاحلل مع الوقت شخصيته وسلمت بامرن محد من هالبشر ينكره تدرون وش يفقد الرجال اهميته؟ لاسلّم السلطه اللي في يدينه مره |
|
يامكحّل الرمش .. يامتخمّر الشفّه
يامروّق الجوّ .. يامستوطن اجزائي يامدلّل الروح .. يامستثقل الخفّه يامخفف الدم .. يامسترسل إحيائي يامعطّر الليل .. يامتوازن الكفّه يامكيّف العقل .. ياممطر ألف بائي يامطفّي النور .. يامعشوشب اللفّه يامورّد العِدّ .. يامتفهّم اجوائي من غيبتك و الهنا مامدّ لي كفّه وفقدت انا قيمة أشيائي من اشيائي |
|
سلك المغذي يوم في يدك حطوه
حطوه في قلبي وغذوه همه اللي حرمه الموت من شوفة ابوه يهتز صدره كل ماكحت امه |
|
ما فات من موعد الفرقـا سوى ساعه !
وللحين احاول اهـدي "نبضـي الطـايش الفقـد مؤلم ! , ولكـن اصعب انواعـه تفقـد لك انسان بالدنيا وهو عـايش !! |
|
بعدك[ انا ] المشهد اللي صعب تصويره.
تمر الايام و أوضاعي هي أوضاعي. مشتاق لليل و الشرهات و الغيره. ومشتاق لأسئلتك اللي مالها داعي. |
|
لمّي الشوق من صدري وغنّي له وانتي الجرح والطعنات والجارح سولفي .. للمساء عنّي وقولي له الوله .. مـا تعدّا قـلبه .. الـبارح |
|
يا اخر الليل ماعندك ،لـ جرحي مكان
تعبت ادور على شان المواجع ، وطن شفني هنا مت متلحف بـ حضن الزمان ازفر مواجعك ،واتنفس بقايا حزن |
|
هواجيس شعري كلها في هواه حيام
وياكثر ما اخفيته وياكثر ماقلته احبه هنا وامشي معه والوعد قدام لو ان السبيل المعتبر صعب سهلت زهمني غلاه وجيت كلي وله وهيام دخلت بعيونه واسود الرمش كحلته وصحيت حلمي فيه عشق وطرب وانغام ودخلته بقلبي لحاله وقفلته كتبته شعر واحساس صادق وصار الهام نظمته على لحن القصايد ومولته طرحته سؤال ولغز وحلول واستفهام وسقت له روحي حب والعمر سبلته جذبني غلاه ورحت بالشوق له درهام وسجل بصندوق الضماير وفعلت سهرته لحالي والمخاليق عنه نيام غمسني فـ روحه لين ذبت وتخللته قربني ومد ايديه يمي وفا واكرام وضميت طيفه في خيالي وقبلته وصفته وجفت في تواصيفه الاقلام مشيته طريق بكل وجهه تنقلته ضويته شموع وعشت في سكرة الاحلام ظميته غرامٍ بازرق الدمع بللته احبه ولا اسمع فيه واشي ولا نمام يعيش بحنايا الروح والقلب منزلته |
يتصفح الموضوع حالياً : 2 (0 عضو و 2 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
إهداء لكل رجل ! | كبرياء امراة | المنتدى الأدبــــــــــــي | 8 | 26-06-2013 09:54 PM |
إهداء إلى كل شخص عزيز | مناورالعويمري | المنتدى الإسلامـــي | 24 | 11-12-2012 09:14 PM |
سائق يترك معلماته على قارعة الطريق بعفيف | عليان علي | المنتدى الإعلامــــي | 8 | 15-02-2012 01:14 AM |
إهداء إلى ولد الجزيرة .....~{ | الغريبة | منتدى الصوروالفيديو والسفر والسياحه | 9 | 30-11-2009 09:54 PM |
إهداء لك رشيدي | شاعر حرب | منتدى الشـــعــــر | 16 | 24-06-2008 09:19 PM |