[مروان الرشيدي]

يابنت انا مالي عن مفارقك طب
...... ولا لي على قطع المراسيل طاقه
انا رشيدي والرشيدي اذا حب
............يموت والله مايخون العلاقه .

[أنفاس الفجر]

بعض الحكي يـــــاناس به للغلا جرح
وبعض السوالف تكتم الصدر والبال

مابي اعيــــــد العلم والدرس والشـرح
حتى الشعر مـــــاكل الاحيـان ينقـال

[أنفاس الفجر]

إي والله أهوجس ولاني بمرتاح
والحزن فى حوش الحنايا بفاروع

أمسيت من وصل المواليف مزاح
وأصبحت من فرقى المواليف مفجوع

البارحه في غبة الوصل سباح
واليوم من عرش المواصيل مخلوع

ياصاحبى صرح الهوى والوفى طاح
والقلب كنه من عراويه مقشوع

كان أحسب إن لحبنا عشرة أرواح
إلين شفت الحبل بيديه مقطوع

يوم العهد به حده إسبوع لى راح
إسبوع ويعوّد علي شوق ودموع

[عايد2001]

هنيت نفسي بحبكـ يابعد عمري
قلبك حبيبي وعينك اجمل احبابي

[سند الداموك]

يوم الهوى لازارني منك أعصير
أضم في صدري من اجلك نسيمه 00
واليوم اصبر خاطر الوجد تصبير
واقول صدك عقب وصلك جريمه 00
ولاجاك مني ياهوى البال تقصير
مواقفي وياك والله عظيمه 00
صخرت لك مشاعر الشوق تصخير
وامطرتك بحبن تقفاه ديمه 00
وظللتك بجفني وصارت مسافير
يوم الغلا بين النديم ونديمه 00
واليوم ماتنفع كثير المحاذير
تفاغمت بين النفوس الحشيمه 00
عسى سنينك روض عشب ونواوير
محد لنفسه يرتضي بالهزيمه 00
اما تخاويني على الشر والخير
والا السلامه منك راس الغنيمه 00

[عايد2001]

تعال فتشني من اقصاي لاقصاي... وبحق ماتلقى سواك انت فيني ))

[أنفاس الفجر]

يعني اكون اغليك وأكون محـــروم
أحسن من جروحك علي كل ساعه

[عايد2001]

جايز انك في غيابي تقلب الدنيا علي\\\ بس انا من قبل أشوفك ...قالب الدنيا عليك ))