[مرزوق العجوني]

وين انت ياللي تذبح القلب بالشوق=العقل من بعد اللقاء منك ما فاق
ليتك تحس بواقعي بس وتذوق=من كاسك اللي منه نشفن الارياق
دنياي من دونك ترى مالها ذوق=خليتني عايش على حد الارهاق
إليا متى ببقى اطالبك بحقوق=متشوف كل الكون في غيبتك ضاق
وراك كني تايه الدرب ملحوق=خايف تكون إنهاية الحب لفراق
يكفي عذاب اللي غدا منك محروق=غيرك وربي بالبشر ما بعد لاق
جيتك جروح وباقي الحال مسروق=من سِـبّـتك ضاقت بي افجوج وآفاق
انا دخيلك تفهم الوضع برفوق=ما عاد صبري لو تصورت ينطاق

[عبدالله بن عدله]

السلام عليكم
صح لسانك أخوي :مرزوق

[مرزوق العجوني]

هلا وغلا اخوي عبدالله

مسااااء الخير ياوردٍ عليه مـن النـدى قطـرات=مسااااء الفل والكادي مساءك يـا نظـر عينـي
مسااااء الطيب والسكر مساءك يا رفيق الـذات=مسااااء الحـب يالغالـي وياسيـد المزاييـنـي
عسى أيام السعادة تغرقك بالطيـب واللـذات=مثل ما اغرقتنـي بالحـب ليـن أروى بساتينـي
ومثل ما ارسلت لي من بحر عينك صادق النظرات=ومثل ما ارسلت لي سهم المحبة وانغـرس فينـي

[زهو الايام]

وش تسوى لا عشقت انسان ماهو من نصيبك
لا له بها الوضع يد ولا له بها الوضع سبه
وش هو ذنبك وانا غدا من بين خلق الله حبيبك
تعرف ان قربه محال وقلبك مصمم يحبه

[عبدالعزيزعلي]

قالت مساك التوت هي نكهة التوت=اقول لا كلك على بعض توته
يالله عساني قبل فرقاك للموت=ياروح محبوبك وسعده وقوته

[عاشق الصحراء]

رسمتك صورة واطمسها واعود من غلآ ارسمها
حب وكره في قلبي ورغبه في لقاء وفراق

ابعثر سيرتك وانسى ودون شعور الملمها
وشمس الود في عيني تغيب وتبتدي بشراق

[(*العرعري*)]

حرام الذهب يصرف علشان تخدير
وقلبي هواوي والحمامه تنوحي

[زين العجارمه 2]

الا هذيك البنت مقدر ازعلها

اخاف ازعلها ما تطلع الشمس