[فضي البراك]

بصفتي أن ماعندي مدونه

وبصفتك أن أكثر وآحد يتحملني

وبصفتي أن هالأبيات جازت لي

وبصفتك أن مدونتك هي الأجمل بعيني

خذ هالأبيات بس ماأعرف شاعرها

ودي أحبك بس خايف أعاني

القلب فيه اللي من الحب يكفيه

وشلون أجيب لخافقي هم ثاني

وأنا بقلبي واحد ومبتلي فيه

الحب الأول خذ حياتي وحناني

لامابقى عندي أبد شي أعطيه

يحسب عليه جيتي بالثواني

و يا ويل ويلي لو أفكر أخليه

مأساه وحده بالمحبه كفاني

وشلون أنا قلبي أزود مأسيه

أحب مره ثانيه وش بلاني

مجنون وإلا عمري اليوم مابيه

[سعد بن عادي]

اقتباس من مشاركة فضي البراك بصفتي أن ماعندي مدونه وبصفتك أن أكثر وآحد يتحملني وبصفتي أن هالأبيات جازت لي وبصفتك أن مدونتك هي الأجمل بعيني خذ هالأبيات بس ماأعرف شاعرها ودي أحبك بس خايف أعاني القلب فيه اللي من الحب يكفيه وشلون أجيب لخافقي هم ثاني وأنا بقلبي واحد ومبتلي فيه الحب الأول خذ حياتي وحناني لامابقى عندي أبد شي أعطيه يحسب عليه جيتي بالثواني و يا ويل ويلي لو أفكر أخليه مأساه وحده بالمحبه كفاني وشلون أنا قلبي أزود مأسيه أحب مره ثانيه وش بلاني مجنون وإلا عمري اليوم مابيه

بصفتك تمون على المدونه وراعيها
أقول أضافتك ياصديقي جعلت مدونتي المتواضعه كبيره بعيني بسبب وجود معرفك وأبياتك الرائعه .

كل يوم تعال يا ابو فيصل .

[سعد بن عادي]

الرحيل اصعب محطات الغلا
وتذكرة حجزٍ مؤكد للسهر

وانتظار وغربه وهم وبلا
وشوق واحساسٍ احر من الجمر

[سعد بن عادي]

ريح المطر يحيي جميع الذكريات
والبرق يعرض لي صورها فالمزن

ياكثر شوقي للسنين الماضيات
اليا طرت لي سالت دموع الحزن

[سعد بن عادي]

.
.

يا صبح قلي على طلعتك وش باقي
مليت دور الحزين و قصة الضيقه

من روحت و السهر يستوطن احداقي
و اللي بقى عن مطيح الدمع ( تدنيقه )

[سعد بن عادي]

أرفعـي راسك دقيقـه وافهميني
الطفولـه كلهـا حـب وصداقـه

لا تغيـب الشمـس وانتي تكرهيني
الفـراق المحتمـل مـر ٍ مذاقـه

جبت لك ورده وذبلـت فـي يميني
وكان ما تكفيك ( ورده ) جبت باقه



....

[سعد بن عادي]

سحابة القلب عيّت لا تهلّ الغرام
والشمس من خلفها .. والظلّ من دونها
تنظر لها العاشقين بنظرة الإحترام
اللي تبيّن مشاعرها من عيونها
لوّ أنّها تبرق وترعد غلا يا سلام
لاعاد تنشد عن أرض الحبّ وشلونها !

[سعد بن عادي]

هزي الهندول يمه امتلت روحي رماد !
ولحفيني سالفه من دون أرض ولا شجن !

ماعشقت من القصور الا (ارم ذات العماد)..
وما نويت اللي نويت من العمار الا عدن !

صدقيني ما سهرت اكتب حكاية شهرزاد..
لا ولا هذا الصبا ولا الصبا هذا لمن !

انتي قلتي ما يموت اللي على ارض الجهاد..
و ياما قلتي لا تنام الا تحت راسك كفن !