[بنت السلاطين]

[FONT="Comic Sans MS"][COLOR="Blue"][SIZE="6"]لا يشغلــونك بـالسمــاء..مقــــرّد الأرض ..
ياللــي بنيــت بعـــالي الجــــدي منـــزل ◊

وإن شفت شي ٍمن صغار الفتن فــ غض ..
ماهـــو ضـــروري كل مـاشـفـت تنزل ◊

[المقبل]

تدري .. وش اللي مالها .. بـ الصدر .. طب
غلطة قريب ... وبين ... ناسٍ .... غريبين


يارب .. قدّرني .. على الطيب .... يـــا رب
مادامني .. ثابت على الطيب .... لـ الحين

[النمر1012]

مابيك تسأل وش طرالي وغنيت
لكن بدت فجئه فصول الروايه
ساعة سمعت الي حكابي ولديت
ثم شفت مافسر رموز الحكايه
ناقص وأنا الناقص سفهته وصديت
عن مثل هذا صدت الحر غايه
ماهو ضعافه يوم عنه تغاضيت
لا والله الآ مايصل مستوايه
أعز نفسي عن مجادل هلافيت
والخبل والجاهل وراعي الوشايه
واللي طعني يافهد يوم قفيت
ماشلت هم لطعنته في قفايه
شوفي سماء عنه عليت وتعليت
ماهوب كفو أني أناظر ورايه
لأني على درب المعالي تربيت
عارف مداه وواثقً في مدايه

[المقبل]

تقول : ليه الحزن ، والهم ، والضيقه !
وأقول .. مَـآ للزمن في فرحتي منّه

حتى وحلمي بسيط .. وسهل تحقيقه
أصبح يشابه لـ\ حلم ابليس فالجنه

[النمر1012]

الا ياحـر لاتحـزن لـدرب الحـب وش وداك
دربن يذبح العاشـق مثـل ذبحـي للاضاحـي


خلك صايـدك مبطـي وعانـه روح وخـلاك
وليته يرفق بحالـك بعـد ماصـادك وراحـي

[المقبل]

صدقني ما ضقت من فرقاك بالمـره
بس ما ذبحني سوا حاجـه بجوالـي

تدري وش اللي ذبح قلبي من الحـره
اني مخزنـك فـي جوالـي الغالـي

[بنت السلاطين]

.

.

.
اللي ( يبيني ) أقطع القلب واعطيه

اعطيه من قلبي ولابه حســوفه
واللي شرى ودي بهالعالم أشريه
واشري له الدنيا ولابـه كلوفه ..

[المقبل]

أنـا ودي أعايدك واشوف مالك ود
واخاف أتصل وتصد وتفرّح الشامت !
ياغالي إذا دقـيت ولا نويت ترد
بسيطه: لا زاد الدق حطه على الصامت
تبي الجِد خايف لا اتهـور معك من جد
هذي العين لا لدّت .. وذي النفس لاشامت