[سعد بن عادي]

:

:

يامكحّل الرمش .. يامتخمّر الشفّه

يامروّق الجوّ .. يامستوطن اجزائي

يامدلّل الروح .. يامستثقل الخفّه

يامخفف الدم .. يامسترسل إحيائي

يامعطّر الليل .. يامتوازن الكفّـه

يامكيّف العقل .. ياممطر ألف بائي

يامطفّي النور .. يامعشوشب اللفّه

يامورّد العِدّ .. يامتفهّم اجوائـي

من غيبتك و الهنا مامدّ لي كفّـه

وفقدت انا قيمة أشيائي من اشيائي

:

:

[سعد بن عادي]

اغلى ثلاثٍ عليهن حفيت اقدامي
الخوّه الصادقه والدين والسمعه !
اللي بصدري من الشرهات لايامي
ضجيج حجاج ترجم في ضحا جمعه

[سعد بن عادي]

يفتح لگ ( ٱلخٱفق ٱلمشتٱق ) فـ گتٱبـھ
صفحھ ۆ يگتـب عليھٱ شۆق گ ٱلٱتي :
ٱلصبح نعمھ .. ۆعين ٱلصبح : جذٱبــھ
ۆشلۆن أجل لٱغدى ۆجھگ صبٱحٱتي

[سعد بن عادي]

كان النحل من رحيق الورد مشبعها
وأنا شموخي من أحلى شيّ جوّعني
وليا تعانق خجلها مع تواضعها
عانقت ليلٍ على مسـراه شجّعني

[سعد بن عادي]

لا ​​​صار مالگ في الجمايل طماعھ
وش خانتگ في عالم الحي والميت
لو لا المراجل والوفا واالشجاعھ
ما تفرّق / الرجال .. عن ربة البيت

[سعد بن عادي]

يا الله عليك ولا على خلقك ولطفك يا لطيف
أرجوك عيبي تستره وأدعوك ذنبي تغفره


جمّلني ولبسني التقوى من الدين الحنيف
وأجعل حياتي من رضاك موفقه وميسره


الحمد لك والشكر لك والفضل لك ثوبي نظيف
ما دنـّسوه اللي تمد كفوفها وتشبّره
قريحتي حيّه وقافي يرسم الحس الرهيف
أفرد جناج الطير وآخذ منه ريش المحبره
وأن عرضوني للشتايم والظلايم يا منيف
الشجره اللي ما لحقها الرمي ماهي مثمره
من جاني ودمّه ثقيل .. اردّه ودمّه خفيف
ومن جاني ودمّه خفيف .. أضحك معه وأطيّره !


ومتوحّش التغريد لا قابلته يعوّد أليف
وأن كان عنده مرجله طلّعتها من منخره
أقدر أردّ المخطيه بالمخطيه ماني ضعيف
لكنّ أطوّفها وأقول العفو عند المقدره
يكرم كفيف العين ولا كرمت يا العقل الكفيف
الآدمي لا صابه جنون البقر صار بقره !!


بعض العيال اللي يكافينا البلا ماله وصيف
محسوب من ضمن الرجال وفيه من طبع المره
يغار واليا غار ثار وجاك بالهرج اللفيف
ما يكشف الثرثار بين الناس غير الثريره
الحرّ من حقّه ليا عــدّا على الضلع المنيف
وإلاّ الغراب غراب لو يرفع ويرخي منقره !!

[سعد بن عادي]

انا العميق البسيط الي يثير الجدل
وانا الفطين الذهين الي على نيّتي


"اعرف اهرول واعرف اجمح واعرف اهذل"
ولا اعرف احدد غيابي ولا جيّتي ..!!

[سعد بن عادي]

ياللي عطيتك منحةٍ تسكن بها بيـن الكتـوف

لاتطري الفرقى ترى الأخـلاق منهـا قافلـه

أضحك معي وأنثر على سمعي تفاصيل الحروف

شاعرك يبغا وقفـةٍ تستاهـل الميقـاف لـه

البرد قارس والبلا مايعرف لـفـرك الكفـوف

محتاج جفن فراش والآخر يكون لحـاف لـه

خلك معه وأنسى التعب دام التعب فيه مْخلوف

وش فايدة وقته معـك دام المشاعـر جافلـه