[عبد العزيز]

لابغيت تروح روح ولا تزايد في عنادك
حجتك هاذي قديمه عارفك وش هو سندها

لاتحملني خطــــاك ولا تفهمني مرادك
انتهت قصة هوانا وانطوت صفحة عددها

[النمر1012]

طرت من الذكرى سوالف طويله
والهم ياخذ من علوم الليالي
وانا طرا فكري بخيلن اصيله
كني اروضها على سمع حالي
ابرك ضمادي بالجروح الثقيله
وجالس البيدا وعانق خيالي
حشمت نفسي عن وجيه الرذيله
وسريت في دربي مصافح وصالي
ما من بها خوفن ولا هي ذليله
بس الزمان اللي خذلني حكالي
أشعر كأني في منام القتيله
اصرخ وانادي ..لا مجيبن سعالي
ياحيف همي كيف اقدر اشيله
وارجع الماضي بصفحات غالي
اتعب خفوقك..؟! لا وربي قليله
قل طاح قلبي من خفوقه قبالي
اسرح غلا مع وحدتي في عليله
واهيم في زوله وصوره حالي
اخطيت في حلمي وما من بديله
اخطيت يا وقتي وشلي جرالي

[النمر1012]

على ذاك الطريق اللي مشيناه
تعب قلبي ينادي يا غيابك
على ذاك المكان اللي جلسناه
تعب ضلعي يجالس به سرابك
وداع وغاب يعني هو نسيتاه
وشوقي..!! ياخفوقي ياعذابك
وحلمي..!!والطموح اللي بنيناه
نسيته..؟ قول لا تقفل فبابك
وروحي والعمر بالي عطيناه
نهيته..؟ والوعد وينه درابك
خساره كيف تجهل ود عشناه
غشيم وكان كل فكري عجابك
حرام الحب فينا ليه بعناه
مخبي لك عيوبك به ثيابك
غريبه في زمنا لو شريناه
يجازينا بكلمة لا هلابك
مصيبه والقدر حنا كتبناه
على صفحات عمري ويش جابك
يقولون الغلا ياما طلبناه
وانا كلي غلا يسهل بنابك
حكايه لشعر تبقا وعيناه
ألوم الوقت ماقصدي عتابك

[(*العرعري*)]

الشاعر اللي حي بكره ليا مات
يلقى ذنوب الشعر كبر الجرادي
عز حنا ماقربنا الشبوهات
مير المنافق حي حسب أعتقادي
حنا عرب النا سلوم قديمات
نمشي عليها لين يوم المبادي

[@مروَض الشرَد@]

صباحكم وردوفل ورياحيين 00 وعود وعنبرفايحٍ به مساكم
عيون لاشافت لها عيـون تقرا 000 وعيون ماتنشـاف وتجذب لهـا عيــون

[رواية]

ودي اكتب والقلم عيا يطيع مدري الاشواق ولا انت السبب

كيف اعبر والحكي مني يضيع اسعفيني ياقواميس العرب

وش ابكتب فيك يالحر الرفيع وانت وصفك من اعاجيب العجب

[عنقود البدو]

مرحباااا السااع

لحدن يكلمني ترا خااااطري شين
ضااايق وبي تسعه وتسعين عله


هذي ثلاث ايااام ما نااامت العين
اصبح بهمي واسهر الليل كله


لعبت بنا الدنياا وصرناا مساااكين
والوقت ضااايقنا وصرناا عشاً له

[النمر1012]

مسا ء الخير الي الجوري
الجواب اللي لفى من راعي القلب النصوح
مرحبا به عد ما غنوا من بيوت النشيد


مرحبا ً تقدير واضح ما يبي منا وضوح
للشعر ديوان والكلفه على ساعي البريد


إسلم وسلّم على سلم الهوى جدّ و مزوح
و النوايا طيــبه والله يفعــل ما يريد


أنت وافي بالقوافي ما على مثلك سفوح
للمعاني جـوّ ثاني في القديم وفي الجديد


لا عدمنا طـلّـتك يا راعي الوجه السموح
والإشاده فيك تعجز لو على حسنك نشيد


الغلا ميراث عذري من عصور آدم و نوح
لا يغـبّـيه القريب ولا يوطــّـيه البعيد


وأنت لي نبض الحياه و ما بعد ذا الروح روح
حِـلّها و إحتـلّـها ما دمت لي حبل الوريد


في سما حبك ترى لي عارض ٍ برقه يلوح
يجذبه شوق ٍ فريد احتار في الطبع الفريد


ومن يلاحي الشوق يتعب في عنا الشوق اللحوح
و الصبر حدّه حديد ومن يفـلّـك يالحديد ؟؟


جعل دار ٍ تنزله يسقيه همال ٍ نضوح
وترتوي مرابع ٍ فيها من الماضي التليد


والختام أسمى تحيه عطرها الكادي يفوح
ذعذع الغربي و جاوب للندى خضر الجريد