[عبدالعزيزعلي]

:
تقول ياقلبي وياعمري وياعيوني=وبعدحياتي وياروحي وياكلي
:
انتظروها

[النمر1012]

مسااااااااااااا الخيرررررررررررر علي الجميع
الي الجوري
يدفن الضيقات صدر رجال حليم=========يستر جروحه وحلمه مع ورد الندي
وانت لو مالك معزه وشوف انك عديم======= ماكتبت الشعر لرضاك واتعبت جهدي
منزلك ماهوبالاضلاع في وسط الصميم ======= قاسم قلبي مابينك ومابين ولدي

[وحيد]

جيتك بقايا حي كل اكثرة مات
وصلت لك با اخر رمق من حياتي

جيتك خوي الخوف في رحلة الذات
بين الرجا وظروفي القاسياتي

جيتك من الفرقا كثير التلفات
جيت انتحر في نجلك الناعساتي

جيتك مزيج جروح ودموع وأهات
نديم لعيون الاسف والشماتي

جيتك شظايا تشتعل شوق بسكات
ما ادري حزن مدري سعادة اسكاتي

جيتك لوانتي سابع المستحيلات
اللي يحبك يصنع المعجزاتي

جيت استجيرك من شمس المتهات
عيت تظللني تحتها عباتي

وابـــ... أتعفى عقب عذاب المعاناة
على رصيف اشواقك الدافياتي

تلقفيني من ايدين التشتات
صيري بحلاة الروح قارب نجاتي

هلى غلا يمحى كدر كل مافات
يامزنت افراحي ومنبع هناتي

[مرزوق العجوني]

انتي خسرتيني على شان هالناس=وانا خســرت الناس كله عشانك
عكسي تماماً بالمشاعر والاحساس=انا كسبت الحب وانتي ادانك
الحب في قلبي حشى ماله قياس =ظنك يجي انسان ياخذ مكانك

[وحيد]

يرغب يطيرالطير في وقت الأسحار
ويسبح على غيوم ٍ جناحه ولفها

يازين وضعه ماعرف درب الاشرار
ولا شال همه طاير ٍ في كنفها

وأنا بدنيا ً كنها وقدت النار
والذنب حبل ٍ في يديني كتفها

أسألك ربي منزل الغيث مدرار
ذنبي فلا غيرك إلهي عرفها

والخط واضح باين ٍمابه أسرار
سالت دموع العين قلبي ذرفها

[الغزاله]

ياليتني لابغيت اكره قدرت اكره
ماكان قلبي ليا جيت اكرهك عيا

[النمر1012]

ترى منت بشبيهي يا بحر لو زومتك تبطي
وانا اخبرك تزوم و ينكسر غيظك على الشاطي
اخبرك يا كثير الملح لا قل العطا تعطي
من الاملاح ملح لعيني اللي جرحها ساطي
واخبرك همّك الترحال يا همٍٍ بدا يسطي
على هم السنين اللي معاي و يسحب بساطي
تروح و لا يروح الا خطاي و عذري و شرطي
واظل اراقب حدود المدى واحاسب افراطي
واقول ان الخطا طيّب و اقول ان العذر مخطي
ومتى ما طاب للمخطي عذر فالطيب متواطي
وتجي ما كنّك اتفه ما بهالدنيا.. ومن سخطي
اشوف اتفه من الدنيا رضاها عنك واحباطي
واذا فكرت في وجه الشبه ما بيننا تبطي
عرفتك يا بحر واطي..وتبقى يا بحر واطي

[وحيد]

قولوا لها أنّي أكتـب الشعـر و أقـراه
و أردده و أحفظـه و أسمـع جـديـده
حتـى إذا جـا وقـت عشـت أتحـراه
أقراه..وليـا أعجبهـا أرجـع و أعيـده
و ان صمت عن شعري حكا الشوق طراه
غصبـاً علـي للحـب يكتـب قصيـده
قولوا لها مـا خالـف النهـر مجـراه
قلبي علـى بحـر الهـوى دوم سيـده
و الحـب دكتاتـور مـافـك أســراه
و أنّه ولـو ينـوي انـا الأسـر أريـده
قولـوا لهـا الخيـال ماعـاف شقـراه
لـو القـدر خذهـا وصـارت بعـيـده
قولوا لها غيـرك فـلا طـاب مشـراه
الحب عفته وخذلت أنـا بعـض غيـده
و قولوا لها أن الفـرح ضيـفٍ وسـرّاه
بعـدك و لا ضيّفـه حتـى فـي عيـده
لادق الفـرح بأعـذار قــام يـتـدراه
الفـرح دونك..لا..أبـد..مـا يجـيـده
وقولـوا لهـا شوقـه إذا جـا وعـراه
وقـام يكتـب والحبـر مـن وريــده
إذا تخـيـل دمعـتـك يــوم تـقـراه
أحـرق قصيـده خـوف همّـك يزيـده