[النمر1012]

وصار الغلا طفل انتي امّه وانا ابوه
راعيه راقد بين عـوج المحانـي
وتَرَفِّقَيْ بَصْغَيِّـرْ السـن ياهـوه
طفل الغلا مابـي عيونـه تعانـي
خليـه متريّـح مــن الأه والأوه
خليّه عايش بالصـدر جـوّ ثانـي

[دانه]

تحتاجني مره ونا احتاجك امرار....... تبغى الصحيح احتاجك العمر كله

مافيه اجل مخلووق جنه ولانار......... مير الغلا له سيرتن مستقرره

تجاوزت في رغبتي كل الاسوار.......... ثم اوصلتبي شي ماكنت اصل له

لعلني مافقد وجودك ولانهار.............. ترا الزمان اليا قسى مااحتمله


حياتي لاهادي متاهات وسرار............ احدن تشيله فوق وحدن تذله

عليك يدفعني من الشوق تيار............. لوني جبل كان اخلفه عن محله

ياخير من ناسن احشى من واخيار....... اقعد خوي راسي بفنجال دله

ضيفن عليه ولي معزه ومقدرا............ ضيفن يبادلك الوفا ماتملله

[النمر1012]

مهما شربتك ياهنـا العمـر مـرواك مالي غنى عنك تـراك انـت غالـي
ما بالبشر مثلـك ولاحـد بيسـواك غالي ولك في داخالـي قـدر عالـي
لو كل عمري تطلبه قلت لـك جـاك عليـك مايغـلا ولـو راس مـالـي
تمـون ياروحـي انـا كلـي افـداك كم تسوا عندي وانت جالـس قبالـي
الله لا يحرمنـي مـنـك ويـرعـاك وانـا بدونـك اشعـر انـي لحالـي
ازعـل العالـم ويكفينـي ارضــاك يامن شغل فكـري وروحـي وبالـي

[دانه]

غالي ولك باب الغلا دوم مفتوح..
انا في بحر ودكـ على الدوم سباح..
البعد عنك يسبب لقلبي جروح..
وقربك يسر القلب ويصير مرتاح..
غلاك مايحتاج تفسير وشروح..
مثل القمر دايم الكون وضاح..

مهما حصل من بعد ..وقصور .. وغياب
ترى مانسيت مودة الاحباب..
انت سكنت داخل الرمش والاهداب..
عيني فراش ورمش عيني مخده..
ترا الغلا ماينتهي بين الاحباب..
بالذات لا صار الغلا فوق حده..

[النمر1012]

إن كان تبحث غلاتك يانظر عيني
اليا وصفت الغلا ماراح تنسانـي
ماراح تنسا كلامي حـزة الدينـي
مابالغ ان قلت يوم البعث تطراني
خذ مايلي من خفوقي اسمعه زيني
أفطن ترا نابعه من جوف وجداني
ماأملكه قاسمه ياعيـن نصفينـي
الأوله لي وأنت النصفـي الثانـي
مثل السجين الذي وسط المساجيني
أفرج بعد كمًـل المـده وولهانـي
ولهان في طلعته شوف الوراعيني
خمسة عشر عام غيًر كل الأعياني
ولا خلا خاليـآ غطـه بساتينـي
ساقيه نوٍ بعـد ماكـان ضميانـي
راع الولع شابـعً ذوده ملاوينـي
مستاسع البال متطمن وطربانـي
غلاك ياعين جاري في شرايينـي
امشي وطاريك متكرر على الساني
أسمك على كل موضوعي عناويني
حتى طبعت الأسامي وسط ديواني
شفت الغلا كيف مابين المحبينـي
هذا ترا أنته وأنا والكل منصانـي
والحين قلي وحط العين بالعينـي
بقرا جوابك بعد ماجـاك ماجانـي

[دانه]

قلبي على ذاك الغلا ماتغير
مايلتفت شوقه على غيرك انسان
كان الغلا في وسط جوفي مسير
يمشي بدربك أنت لو كان ماكان
كنت أحس اني في غرامك مخير
وأثر الغلا في غيبتك بركان هز الأركان

[النمر1012]

غلاك عندي مايجـي فيـه تخفيـض
مفتول عهد الحب ماهـو بمنقـوض


يامهرتن ماجـاك عسفـن وترويـض
يردنـي لاآعنـك اقـدار وحـظـوظ


ياللي ليا من بينـت تخفـي البيـض
سواة من هي تخفي اللمع والنـوض


يمنـاك ماتاخـذ يكـود المعاريـض
قبل اسمك الاميـره بكـل معـروض


كل العذارى تحـت عـزك مرابيـض
تعطين بالمجـان معطيتـي اقـروض


إلا ليـا قالـن نبـى سـر تبييـض
لونك هنا تقلين معـروض مرفـوض

[الزعيم..]

لاتكتم اسرار الغلا ما بقى اسرار
كلٍ عرف من عيني انك حبيبي

لك صورة ماتختفي وسط الانظار
ترقد على حضن الهدب ماتغيبي