[مرزوق العجوني]

ابجمع مابقى مني لحبـك والزمـان إن طـال=يذكرك الحروف اللي بوصفك كيف صاغنـك
ابا.. الضيقه على صدرك تحن وتعلن الترحال=وأحس اني من ضلوعك قريب وارتوي منـك

[رواية]

ما عشقت من القصايد غير جزلات المعاني
ولا كتبت من القوافي غير معسـول الكـلام
ما بقالي يا قصيدي غيـر نظمـك والامانـي
بعزفك يا جروح قلبي ولا علي من الملام

[(*العرعري*)]

كم واحـد (ن) وقـت اللـزوم تهقابـه
واليـا نصيتـه غيـر الطبـع بطبـوع
والصاحب اللى صحبته ضحـك نابـه
يبينى ابقى لـه علـى الـدوم مـزروع
ان شـاف وجهـي قـال يامرحبـابـه
وان غبت ينسانى على راس الاسبـوع
واليـا نسانـى منهـو حظـره جنابـه
انساه واجعـل دونـه الخـط مقطـوع
وعيب (ن) عليـه كـان طقيـت بابـه
لونى امسي بالخـلا ميـت (ن) جـوع
مـن خلقـه الدنيـا تجـوع الذيـابـه
بس المهـم تعيـش والـراس مرفـوع
وتكسب بعـز النفـس قـدر ورحابـه
وتمشى على خط (ن) سليم (ن) ومشروع

[رواية]

يا هدوء العاطفه وين النهار ********ليه ذيك الشمس دايم غايبه
هو ظلام الليل رد الاعتبار**********أو هذيك الشمس صارت عايبه
يا رحيل الحرف عن ذيك الديار *******يا سواد الليل نفسي رايبه
ياجنون الصمت بسأل باختصار ******** الهقاوي وش بلاها خايبه

[(*العرعري*)]

الوقـت يامقـسـى عـنـاه وعـذابـه
حطاب ليـل ولـه معاويـن وفـزوع
احد (ن) منـه يمكـن يعالـج صوابـه
واحد (ن) يموت بعلته مـوت جربـوع
يروح مثـل مقـاط محـد (ن) درابـه
لاحبـل يرقـى ولاصـوت مسمـوع

[عنقود البدو]

أستغفر الله كثر ما اذنبت وأخطيت
وأستغفر الله كثر ماضاق صدري
وأستغفر الله كلما اصبحت وامسيت
عن ذنب أدري عنه أو عنه مدري

[مرزوق العجوني]

كنت اظن الجهل ظلما .. واظن العلم نور=واثر جهل النفس بعض الامور افضل لها
اثرني لو اني اعلم بما تخفي الصدور=كان يمديني كرهت الاوادم كلها

[ألمــــاس]

مســــاء الخيــــر عالجميـــــع

لبى فؤادك يامنى الروح وين انت؟؟
ياللي حياتي دون وصلك ولا شي
أقسم برب الكون مشتاق لك انت
شوقن يساوي من تنفس واهو حي
لبى الوفا وانا الوفا لك تكونت
لبى الحنين اللي حوى النور والضي