[برق الوسم]

يابرج ايفل شفت لي راس قايد؟
جيتك من المريخ ..قالوا لي اهنيه!
وش به يظن انه على الناس زايد!؟
غير الحلا والطيب ماشفتهن فيه
لو الخطاء يغفر بنظم القصايد
اكتب قصايد كل مامر طاريه

[مروان الرشيدي]

بيت شعر أهديه الى اللي في باااالي احم احم



ما أقارنك بالعين والعين ثنتين = اقارنك بالقلب والقلب واحد

[آهــذريــبــك]

اهديه للي .............


نم يا قمر دنياي .. تصبح على خير
خل النهار يحس بإنه بقى حي
كل يوم أحبك غير .. والبارحة غير
بديت أحس إن الخلايق ولا شي !

[برق الوسم]

هذا الخفوق اللي أنا مبتلش فيه
باقي خليلك ..!! وإلا ماهو خليلك ..!!!!!

خله معك ../ ماعدت أنا أطيق طاريه
وإلا اذبحه من شان يكمل جميلك ...!

[رواية]

اللي سألني عن أحوالك وأنا ساهي
كنّه ينبّش عن الأحزان في صدري
حاولت أدوّر عذر لو هو عذر واهي
وطاحت دموعي عليه وقلت له مدري !

[عنقود البدو]

ياخوي وينك ما عاد تنشاف 0000
زعلان والا كل هاذي قطاعه
في غيبتك قلنا عسى مابه خلاف0000
حتى في صوتك باخل في سماعه
وين العداله في المحبه والإنصاف0000
يومك تغيب أيام وتطل ساعة
والعشرة اللي مالها ساس وأهداف0000
تضيع في لحظة زعل أو إشاعة
أنا أعرفك طيب القلب شفاف0000
مفروض من راعاك بالوصل راعه
قربنا نسأل عنك كاهن وعراف0000
ونشوف من غير علينا طباعك

( ..... )

[راعي شهاب]

عندي بيتين الاول اهديه لشهاب ،،،،

تبسم لعنبو من لامني في بسمتك ورضاك ،،،،،،، تبسم لعنبو من يزعلك وانته مصافي له



والثاني الى قلبي

بحر الحب فيه اشيا تهول ،،،، غدربك لين في موجه غدابك

[برق الوسم]

في غربتي ، عارضت أنا ركب الأغراب
أشـد .. وأنـزل .. والليالـي ركايـب

أضداد .. وأقران وعدوان .. وأصحـاب
متناقضات الخلـق .. ماغـاب غايـب

وقامت تجاذَبني على درب .. الأسبـاب
نفس الشباب .. يحدهـا عقـل شايـب

أصبح على فجرٍ ضحوك(ن) .. وعجاب
وأمسي على همسات ، ستـر العجايـب

أسهر مـعَ تهويـم نجمـات الأحبـاب
حتـى يصيـر النجـم بالصبـح ذايـب

مشيت في رمضا .. وسنّـدت بهضـاب
وعارضني سيول(ن) ، وهبّـت هبايـب

وأمسيت في صحرا .. و قيّلت في غاب
ومن طاول الغربات ، شـاف الغرايـب

مرتني الدمعـه ، بهـا الوجـد مـاذاب
في غربة الأشـواق ، راحـت ذهايـب

ومرتني البسمه ، تقـل فوقهـا حجـاب
وراك خـجـلا يـارسـول الحبـايـب

والحب.. مريته غريب(ن) علـى بـاب
عقب القصور .. أمست بيوتـه خرايـب

بغيت أسلي خاطـره .. عقـب ماشـاب
لقـيـت مـالـه بالتسـلـي طـلايـب

أقفى مع المقفين .. وجـل(ن) ومرتـاب
على عقوق الوقـت ، بالحيـل عايـب

في غربتي .. مريـت رجلـي وركّـاب
أرزاق .. من رب الخلايـق ، وهايـب