[سعد بن عادي]

ياحلو الكويت واهلها اغرقونا بطيبهم وكرامهم

ومستمتع بالرحله مع الا صدقا العبسي الغامض وابراهيم سلمان وبقية الزملا

[سعد بن عادي]

يطري على قبرن سقى رمله الريح
يالله عسى راعيه يلقى الشفاعة”

[سعد بن عادي]

ماهقيت إن مالـ جرحي من يخيط فتوقه -
يوم ساق الليل غاراته ونجمه غابي❕


وماهقيت الصاحب يخون العهد ويبوقه -
لين شفت عداي تلبس لي ثياب أصحابي❕

[سعد بن عادي]

​​​الليل وانغام السهر .. " مزعجتني
حتى : لحافي .. لا سحبته : ( تملص )


مرت علي : ذكرى حزن واجرحتني
وانا احسب ان قلبي من الحزن خلص

[سعد بن عادي]

اخشع من الهيبه وتبكي عيوني

وتبكي تحت عرشك عيون المصلين
حنا عبيدك يوم قلت اعبدوني
الي بلا عطفك ولطفك مساكين ~

[سعد بن عادي]

ياجـلّاب النمايم خابرين بضاعتك كوكتيل
على ذوق الرخوم اللّي تعاملك وتعاملها
ماعندك غير ذي قالت وذي قالت وقال وقيل
علومك من يجملّها مدام الله ما جمّلها !
على النكّ النسائي محتزم بالفرد والدربيل
لا شفت الغافله ترفع طرف ثوبك وتختلها
تحاول تبتدع معها الكلام وترسل الإيميل
وإذا قامت تردّك قمت تبلعها وتتفلها
تلبّسها الظلايم والتهايم يا ضعيف الحيل
صحيح اللي ما خاف الله .. ما خاف الناس بأكملها!!
حصينات المذاهب يكرمنّ .. ولاعليهن ميل
لا بان الميل في بعض الرجال وفي مراجلها
لو أنـّك تعتبرهن من خواتك يا رعاع الجيل
عرفت أن الستيره ما تحطّ إلاّ في منزلها
حراير من قبايل لا تسمّيهن بنات الليل
ترى اللي في ضميري كلمة ٍ مانيب قايلها
أعرف إنّك عريب الراس لكنّك طويل الذيل
عسى الله لا يبارك في الذيول ولا يطوّلها !!

[سعد بن عادي]

حتى لا تكون ملتصقا بـ ( الغباء ) اعتنق الصمت.. أمام السفهاء، فلا داعي لتلوث قدسية ذاتك ، بوحل الإنحطاط ..

[سعد بن عادي]

تعوّذت من همي وسميـّت بالرحمن
أخبـّي صواب النفس وأبدي سلامتها


عيوني على دور الليالي شقاها بان
ليا هملجت ليلــه .. ثلاثـه مـا نامتها


أحايل مقـرّ الشرّ بالسرّ والكتمــان
علشــان شرهات العبـــاد وملامتها


لكن الله الله .. غـن يابادع القيفـان
لا ثارت هواجيسك وقامت قيامتها


بعد عوّدت للنــّار والعـود والدخـان
تركت التغـزّل في سميره وشامتها




أخاف يتسلّك مع سلوكي طويل لسان
مجالس غثا هراّجها فوق صامتها
أشوف النشايب والمصايب على العربان
وينبيــك عن يوم القيـامه علامتها


تحت دبرة الله كانوا المؤمنين أخوان
قبـل لا مزاعمها تفكــك زعامتها
وراحت شعوب ٍ مالها غير كان وكان
بعد ضيّعت ربي .. وضيـّع كرامتها


صفقنا زمان العولمه صفقـة النشطان
وعصبنا على راس المذلـه عمامتها


لوّ إنـّا على السنّه وماسنـّه القرآن
حفظنــا معزتنـا على طول هامتها


شتات وشقاق ووضع هاين وحال مهان
نسددّ ضريبــة كلّ حـرب وغرامتها


خذونا سرا نمشي على خطة الشيطـان
سياسة رخـــوم ٍ ما تخليّ رخامتها


زرعنا لها شجرة سلام ووفا وإحسـان
وهبتّ عليها الريـح وطارت حمامتها !
خذونا سرا نمشي على خطة الشيطـان
سياسة رخـــوم ٍ ما تخليّ رخامتها


زرعنا لها شجرة سلام ووفا وإحسـان
وهبتّ عليها الريـح وطارت حمامتها !