[أبن حديجان العجرمي العبسي]

اقتباس من مشاركة شنيني وافتخر هذ ضلع المرتزه الي بالحره لتصحيح المعلومه للي مايعرف الحره ولا يعرف ترابها وظلعانها هههههههههههه وعزي عنك يابن حديجان قطعت قلبي للحين بس خانك تفكيرك مع راعيت الفندق ليتني معك ههههههه بنتظااااارك لا خر حلقه متابع يقلب الندم مع اني خابر المسلسل كامل هههههههههه بس ماودي احرق الفلم على المتااابعين ههههههه لا هنت الله يخارجنا من شملزز بس مقاطع الفديو ليش ماتنزلهااا

ههههههههههههههههههههههههههههههه

معلموووتك قررررررررريبه مرررررررره من الواقع << بس لحد يصدقة هههه

ومديرة الفندق إن شاء الله أني ملتقط لها صووره أخليك تناظر عيووونها الحلوه

والفيديووو مقدر أنزل منه شي لضروف خاصه

ولاهنت ياشنيني .

[أبن حديجان العجرمي العبسي]

اقتباس من مشاركة ناصر الفلاح الخافي اعظم من شملز يومه يخاركم حسبي الله عليك يا شملز ولا اقوول ابرك حسبي عليك اعشقك وانت تحفر قبري ههه شكوو بس اليمانية صدمتكم عاد اهني لعبتك يا العويمري قصدي العجرمي تمشي الفلم ههه يهب يا شعرها الاشقر لا يوقف مع الاجزاء التالية بس قول لشملز يرد الموتر نمرره

هلا وغلا

هههههههههههه

شملز موضوع لحاله << الله يرجه

وتااابعو الموضووع بدأ يطلع الخافي المنتظر لكم :) .

[أبن حديجان العجرمي العبسي]

اقتباس من مشاركة (ابوعواض) ودي اعرف نهايت الفلم تخيلو يموت البطل هههههههههههه

أأأأأأأأأأأأأأأأأرحب أبوعوض

فيه موضوع عن الموت << صارت إلا شي (( الله يخارجنا ))

ههههههههههههههه

ولاهنت على المتابعة .

[أبن حديجان العجرمي العبسي]

بسم الله الرحمن الرحيم

حياااااااااااااكم الله من جديد أعضاء زوار شبكة بني عبس (( قلعة المجد والتاريخ))

نكمل الأجزاء المتبقية من رحلة أثيوبيا (( ديار الحبش ))

ومن مفاجاة إلي مفاجأة ومن نكبه إلي نكبات هههههه << الله يعين

نكمل على بركة الله

بعد بحث وجهد ومن قبيلة لقبيلة نطلبهم سلاح ويالله عطانا واحد سلاحة توكلنا على الله وقلنا السلاح وخلاصنا منه عبدووو نبغا الصيد وبعد توصيف ومن منطقة لمنطقة جينا أرض أحرينا الصيد على طووول وكلن قام يتلفت يمين يسار إلي الأرنب قحصت من تحت السدره ونلحقها وحنا مسرعين مرررره شملز تغير علينا << أيه هين << ههههههه ,, ياشملز أمش ياشملز ألحق الأرنب ياشملز الله يلعن والديك ((أستغفر الله )) لارحنبوووووووك أمش ياولد ألحق << لاحياة لمن تنادي :(
والاأرنب راحت !! قلنا مايصير كذا وقعدنا نكلمة نقول ياشملز لازم نلحق الأرنب ويقول مقدر كفرات السيارة خايف عليها !! ؟؟ قلنا مصيبا وطحنابها الله يصبرنا عليه ... وبعد الأرنب قال مقدر أدخل أكثــر من كذا داخل الأرض << ليه ياشملز عسا ماشر ؟؟ !! قال مقدر مشكلة الكفرات ومقدر أدخل أكثر من كذا !!!! قلنا والطريقة ياعبد على !! قال ننزل نمشي داخل الغابة نتصيد !!!!! ؟؟؟؟؟ أنت صادق
قال ماعليكم نرووح نمشي داخل !! شفنا الرجال صامل قلنا قدااام معك أخذ السلاح أبونايف وطلعنا أنا وأبونايف وأبومبارك وأبوفهد , الوالد جلس عند السيارة هو وشملز ... وتوكلنا على الله << غلطة ماخذنا ماء معنا :(



ودخول الغابة وغلطة والحمدالله الله ستر علينا لو طالع أسد أو نمر أو أي مفترس
أفترس الواحد منا وحنا مادرينا عن بعض !!! وخاصتا" الوالد وشملز تركناهم من غير سلاح .. وأنا وخوياي كلن يمشي لحاله وبعيدين عن بعض ؟؟ !!



وحنا وسط الشعبان والغابات يقووم من عندنا (( عنز سلمي )) وأرنب ويطير قطا وكروان حنا مبتلشن برشاش ماتقدر ترمي إلا وأنت راكد :(


وبعد جهد وقطعت كبد << من القهر نشووف الصيد وما باليد حيله مررره
ومن بعيد العيال يأشرون لي عجل تعال بسرعة << التصوير الفديو معي
وجيتهم فازع وش السالفه يشباب ؟؟
هذا صيدنا الأول :) ,, بغينا الظليم الفحل كان راجن على البيض وفكه الله بين الشجر والغابات ولا مبيت النيه فيه وسبحان إلي فكه ههههه



وهذي صورة البيض وفرحة الرجال شرواكم :)



أخذنا من البيض 8 وتركنا حول 11 وشلنا البيض أنا وأبوفهد ورحنا للسيارة وبعد بحث منين جينا وين رحنا ؟؟ << يالله وصلنا السيارة للوالد وشملز
ولفت أنتباهي أنهم مغير مكانا سئلت الوالد أنتم جيتم جاااي شوي قال أيه يالله خليته يقدم عشااانكم وميلنا يسار شوي يم وجهت أتجاهكم ؟؟ !! << وهذا كان أكبر خطأ حصل تدرون ليه ؟؟ !!
أبونايف وأبومبارك وعبدو على وهم راجعين مرهم غزال كان خلف سيارتنا ويحد بينا وبينهم شجر ماتشووف إلي خلاافه رمي أبونايف الغزال وحراااام بالله أنها فوووقنا حيييييل الرصاصه وبعدها مرنا الغزال شارد بعد عشر أمتار وحنا جالسين :) والحمد الله على السلامة



منظر حلووو لكم :)



ونكمل على بركة الله الجزء القادم
وجاري تحميل الصور أنتظرو إن شاء الله .

[ناصر الفلاح]

الله ستر عليكم وخصوصا الوالد ولا شملز ما يموت استغفر الله

[أبن حديجان العجرمي العبسي]

اقتباس من مشاركة ناصر الفلاح الله ستر عليكم وخصوصا الوالد ولا شملز ما يموت استغفر الله

ههههههههههههههههه

هلا والله راعي الأردن منور ههههههههه

الحمدالله ستر الله علينا ولا خويانا معذورين الخطـأ تغير محل السيارة :)

ولاهنت على المتابعة .. وجاري تحميل صور أنتظر :) .

[شهاليل]

يعطيك العااافيه ياا أبن حديجاان ,.
والحمدلله ع سلامتكم اثاريكم بغيتوا تغدون من صيد أمس ..,
خخخخخخخخخخخ





الا قلي هذا بيض نعاامه والا أنا غلطاانه ..,

[أبن حديجان العجرمي العبسي]

نكمل على بركة الله :)

وبعد جهد وتعب على الفاضي << شملز عجنا نأخذ السيارة منه ,, وماصدنا إلا بيض النعام :( والحمدالله على كل حال شي أفضل من لاشي ههههههه
قلنا اليوم راح علينا وكان الوقت بحدود الساعة وحدة الظهر قلنا دام الدعوة كذا نبغا نشتري (( تيس )) ونتغدا ونعين خير ,, فهمنا شملز أنا نبغا تيس قال عند عبدو على يدبر أموركم << قلنا يالله ياعبدو نبغا تيس قال أطلع لديرة ,, مشينا ودشينا ديرة أهلها الله يعينهم على أنفسهم << مدري كيف عايشين !! الحمد الله على كل حال .. المهم أخذنا صور للشباب الحلوين وأبونايف وشملز وعبدو على نزلم يدورون تيس بوسط أرجاء هذه المنطقة وبعد أنتظار دام 20 دقيقة جونا وهم شايلين التيس وكنا بأشد الجوع وقهر وتعب وكلهن مجتمعات ههههههه
الشباب الحلوين وصورة تذكارية وحركات حلوه << وغلطتي أني أصور وأخليهم يشوفون صورهم << أجتمعت علينا أمة محمد << قلق لأبعد الحدود



وصوة أخري للحلوين :)



وأنا قاعد أصور أبناء الحارة إلي حنا فيها << كثر من الحاره هههههه
تجمعو علينا لدرجة أن الهوا أنقطع عنا ذبحنا الحر وحنا وسط السيارة ,, وأبومبارك الله يذكرة بالخير سوالنا مصيبه مع الورعان وليتها على الورعان حتي الكبار ماسلمنا منهم << ههههههههه ,, كان باقي تمره معنا مفتوحة تذكرون تمرتنا إلي أول الصور !! ؟؟ باقي منها شي قليل وأبومبارك يدور الأجر مد شلقة التمره برا يوم خطفت من يده وراحم يتذابحون عليها كلن يدحم خويه وراحم يتهاوشون عليها << الحمدالله على النعمة أكثرو الحمد .. والله لايبلانا يتهاوشون وحالتهم حاله << بس بعد التمره توسعنا شوي وراحم يرعدوون بين البيوت كلن يبغا يلحس باقي كيس التمره << والله هذا ماحدث أمامنا << أحمدو الله


أخذنا تيسنا وطلعنا من الديرة بصعوبة من الناس ألتفت علينا يشحذون من بعد التمره << لا إله إلا الله .. والحمدالله طلعنا سالمين منهم وهذا الأهم
وحنا ماشين بطريق كنا بجانب نهر والطيور عليه أشكال وأنواع وبعد مشوار طلع

لنا تكرمون عنه الخنزي البــري ويتواجد بكثرة غير طبيعية ويدخل مزارع الناس
ومحد يقدر يقول شي << وحشي ومحد يقدر يقرب منه << هذا مافهمت منهم



وبعد ماوقفنا نأخذ الصور وهو مايستاهل << هههههههههه

صحنا عليه كلنا وفر من قوة صوتنا << هههههههههههه ,, وقف يراقبنا من بعيد ولسان حاله يقول أنزل وأنا أعلمك كيف تصيح ههههههههههه



وبعد المشاوير إلي حصلت لنا والمفاجأة الكثيــــرة لقينا المزيون هذا للقبلة

بسم الله والله وكبـــر

ويازين العيشة عقب تعب وجهد << أنشد مجرب ولاتنشد طبيب << والله من الصلف والتعب ههههههههه
أبومبارك أقام الحد عليه وأبونايف قام بصلخ وأبوفهد يصلح فنجال القهوا والشاهي وأبن حديجان يضبط الغدا << كلن يكف عن ذراعه



شووفوو كيف ألحم الطازج ومافيه شي أسمه كيماوي ولا شعير << تكرمون
والسمن مايحتاج وصف



وشوي المعاليق بالأجماع موافقين << مايحتاج نشده ههههههههههه وياسلاااام على ذاك الشوي والغدا << رد روووحنا عقب التعب



والناس جونا وعزالله ماقصرو ماهم مثل أهل التمره ههههههههههههههه
وفرو لنا الحطب وغسلو أغراضنا عقب ماخلصنا وحسبنا حسابهم بالغدا وعطيناهم المقسوم << دفعت بلا عنا ,, واليمين من الصورة من شلة أهل القات :)




وأبونايف أصر يأخذ صوره معهم :)

وبعد الغدا وأخذنا أنفاسنا وخططنا زين أنتقلنا للفندق وكلن راح لغرفة وبعد المغرب تواجدنا على صبه الفندق مع دلة القهوا وبرادي الشاهي << جمعنا العالم على ذيك الصبه الله يذكرها باخير عرفتنا على ناس كثيـــر وعرفنا على أنفسنا بالكثير وجايكم بصور إن شاء الله

نكمل الجزء الأخر على خير << أخووكم ناوي يرقد بكرا دوام والله يعين

وعلى خير نلتقي وأسمحووولي على القصووور ,, والأجزاء المبشرة بالخير غدا" إن شاء الله ... ولاهنتم ياعبس .