[منصور بن صبح]

اشكرك ياالاخ كاتب على الفكرة وان شاء الله انا من المشاركين

[كاتب الرشيدي]

مرحبابك منصور بن صبح


يسعدنا مشاركتك

وياهلا






تحياتي

[ناصر خنيفر]

مشكور كاتب على الفكره ولو العدد كثير ياليت قصرتها على خمسه او سته ولكن دام الجميع موافق على العدد مافيه مشكل كما ارجوك موافاتي باسماء اللجنه عند موافقتهم حتي يكون بينا تراسل كما ارجو من الجميع الاقتناع براي اللجنه وعدم التعديل على اي موضوع تبت فيه لامن كبير ولا من صغير كما ارجو من زملائي لجنه التحكيم دراسة القصائد واعطا القصيده وشاعرها حقه بدون النظر للا سماء والمعرفه والمجامله على ان يختار كل عضو من اللجنه القصائد الذي تكون في رايه هي الفائزه وارسالها لنا لنقوم بدراستها ويحق لرئس الجنه العمده اضافة قصيده وحذف الاخرى حسب رايه اذا شاف ان فيه قصائد افضل من القصائد المرشحه وشكرا

[كاتب الرشيدي]

يشرفني تواجدك ياعمدتنا



الله الله أنت والزملاء اللجنة بالهمة والأستعداد وعساكم على القوة

مع تمنياتي للجميع بالتوفيق




تحياتي

[بندر بن صبح]

السلام عليكم ورحمة الله وبركاته

الفكرة ممتازة ورائعة وبادرة طيبة من الاخ كاتب ويشكر على ذلك

واللجنة كفو وعلى راسهم الهرم الشعري العمدة ناصر خنيفر

انتظرونا ان شاء الله اكون من المشاركين

ودمتم بود وتقدير

[اخوصلــــفه]

اشكر اخوي كاتب صاحب الفكرة واشكر القائمين والداعمين للمسابقة واشكر الشعراء لجنة التحكيم اللذين هم كفو للذلك وقد المسئولية ونتمنى التوفيق للجميع والنجاح.

وهذه مشاركة اخو صلفه المتواضعة ارجو ان تنال اعجاب الجميع:

شاعر سطر مقاله من هواجيس بباله=مامشى درب الجهالة دايم عقله دليله
كم يوم وكم ليله خال براق المخيله=كل وادي نش سيله مابقى ربع البياله
ماتبع درب النذاله ماتدانيهم خصاله=دربهم ماله وماله علهم نار غليله
ماشكى من يوم ميله ماشي دوم بسبيله= من تعرض له ياويله عزتاله عزتاله
الرجل ذكره وفاله كل واحد لاطراله= يمدحه لاجاء مجاله ذاك هو حام الدبيله
نادر في كل جيله دايم فعوله مهيله=واحد يسوى قبيلة عربه جده وخاله
مايخيب من عنى له عنده اغلا من عياله=كل حمل عنه شاله حض مضيوم دخيله
بالكرم مابه مثيله وافي ياناس كيله=دايم بنه وهيله مانقص عابي دلاله
جنبوا درب الخماله مايجيه الا الحثاله=وان ورد تقصر حباله مامعه عرف وحيله
والردي راع الفشيلة بالقصيرة والطويله=ماله فعول جليله ماذكر له يوم طاله
العلا مايوم ناله مارقى من فوق جاله=للردى مرخي عقاله كل عيب يحتمي له
الردي نفسه بخيله بالردى يومي شليله=ضايع دايم حصيله لامحاله لامحاله
كان جاه السيل شاله حالته ياناس حاله=ماحفظ نفسه وماله مانفع منهو يجي له
زيلته ياوي زيله كن جسمه جسم فيله=وان فتشته ياحليله كالدقاقة والجلاله

وسلامة الجميع

[عبدالباري عبدالعزيز]

اقتباس من مشاركة ناصر خنيفر مشكور كاتب على الفكره ولو العدد كثير ياليت قصرتها على خمسه او سته ولكن دام الجميع موافق على العدد مافيه مشكل كما ارجوك موافاتي باسماء اللجنه عند موافقتهم حتي يكون بينا تراسل كما ارجو من الجميع الاقتناع براي اللجنه وعدم التعديل على اي موضوع تبت فيه لامن كبير ولا من صغير كما ارجو من زملائي لجنه التحكيم دراسة القصائد واعطا القصيده وشاعرها حقه بدون النظر للا سماء والمعرفه والمجامله على ان يختار كل عضو من اللجنه القصائد الذي تكون في رايه هي الفائزه وارسالها لنا لنقوم بدراستها ويحق لرئس الجنه العمده اضافة قصيده وحذف الاخرى حسب رايه اذا شاف ان فيه قصائد افضل من القصائد المرشحه وشكرا

اشكر كاتب على المسابقة الرائعة والفكرة النيرة
المهم يالعمدة اخوك ابو عقالين عضو باللجنة عانه متربع من هالحين على الماصه
من بداية المسابقة
كان عندك اعتراض علمني من بدري وتلقى غيري هههههههههه

[منصور بن صبح]

هاذي مشاركتي والله يعين

ياشينها لاحدك الوقت شيناه= وخلاك تطلب عون من لايودك
تجيه ماتعلم بخافي نوياه=باالوجه معك وباالخفا النذل ضدك
يقنعك بن الي طلبته بتلقاه=وكل المقاصد يكتشف غيب سدك
وده يفرج فيك هذا وهاذاه=وليا بحث خافيك ماطل وردك
لاتحتزم بلي دروبه ملواه=لو كان مر الوقت يمه يحدك
عنز على قرمن حواله مسواه=الي ليا جات الوازم يسدك
عن الكرم والطيب مارد يمناه=وذكره مع العربان دايم يشدك
عنده على كسب المراجل مداراه=الازم الك وفاق باالجد جدك
المجد زاهله وهو بعد يزهاه=ولو صكت امواج البحر مايهدك
ولا الردي في لازمك لاتمناه=لو كان مر الوقت يمه يحدك