[هامة العز]

قم غن لـجروح الزمان العطايـب
ولا عاد تسألني على كل من غـاب

وإن عنت الذكرى وهبّـت هبايـب
سكر درايشها ترى الشوق غلاب

[راسبه بالحب]

ياليت بعض القلوب تشوفها عيني
أعرف وفاها عشان أمدها وصلي

بعض الصداقات مثل الهاتف الصيني
ضمانه سنين لاكنه ماهوب اصلي

[هامة العز]

ههههه الجهاز الصيني
الصبح بحضورك قصايد ونسناس
خل الاماني تلتقي ب الاماني

كلمه صباح الخير عادي من الناس
لكن من لسانك لها طعم ثاني

[هامة العز]

من جهل خافي ضميرك لا تلومه
كل رايق .. يحسب إن آلكل رايق
حط نفسك موقفه .. تعذر علومه
البشر ماهي على صدرك توايق ​​​​

[راسبه بالحب]

لاتنشد الساكت عن إشفيه مافيه
يغنّي عن إسكاته .. سوالف عيونه
مثل الشجر لحتاج لإنسان يسقيه
ساكت ونعرف حاجته من غصونه

[هامة العز]

يازمان العجايب وش بعد ما ظهر
كـل ما قلت هانت جـد علمٍ جديد

إن حكينـا ندمنا وإن سكتنا قهر
بين قـلـبٍ عطيب وبين راسٍ عنيد

[راسبه بالحب]

يا مستلـذ البُعــد والبُعــد سراق
عطيتني من لوعـة الحُب قسمي
ومن الضما لو يبستّ عروق الأشواق
خل الوصل ياوافي الجرح رسمي

[هامة العز]

الناس ما شافت سوى الابتسامه
ما تقدر تشوف النوايا والاحساس

لو كل واحد .. في عيونه .. كلامه
دنّق حيا .. لا تلمح عيونه .. الناس