[النمر1012]

في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح
كن هذا الصبح بـ العتمه بليّاك ، إنردَم
يا صباح الخير من غيرك بلا خير الصباح
أثر ثلج فراقنا يلسَع وشوقك ، ما خِدَم
توّي أفهم :شنهو تعني لسعة الثلج لـ فلاح
لا تحارب ما أبيك تعض إبهامك نِدَم ،
جيت لك :قصدي إنت فاهم ، شوووف ما أحمل سلاح
الزعل : غلطة حبايب قلب من قلب إنصِدَم
والرضى ساكت ، وعزة نفس تتثاقل سماح
ياحبيب الجرح شوف إحساس محبوبك عَدَم
: ما يحس القلب في جرحك وهو كله جراح
كان في وجهك بقى لك دمعتين ، وفيه دَم ؟
هذي هُدنه نتّفق ب شروط وننساه اللي راح

[كاتب الرشيدي]

قالت من أنت وقلت مجموعة أنسان = من كل ند وند تلقين فيني

[النمر1012]

شاعرك من يوم شافك ؟ مستقر , وضعه كثير
مايبي غيرك ولو فرشوا له الدنيا ( ذهب )
ما أبيك تقول : ودي بس خايف مايصير
دام أنا عايش / تمنى راح يصير الشي [ غصب ]
ما هو لايق ألمح أحزانك على وجهك وأدير
راحتك في ( المرتبة الأولى ) , و - إترك لي , التعب
[ إربط حزامك ] حبيبي باخذك منهم و أطيير
: تصدق إني طول عمري ما أحب إلا { الصعب

[رمح الليل]

يتوق شعري وقلبي صوب من حبه
من غيره اللي اذا ابطا يعذبني
احلى من الشهد واللي جابه وصّبه
عينه عذابي اذا قامت تطالعني
واذا ابتسم شفت ثغره ودي احبّه
لا شك اشيا كثيره منه تمنعني
ولا الشعر تحت شاله هبّته هبّه
واذا التفت لفتته يا قلب وش تعني
من حر ما بي ساعات اغتاض واسبّه
احس كنّه يبي بالعمد يقهرني
يرتاح من شوف نار الشوق مشتبه
كنه بجمر الهوى بيديه يحرقني

[النمر1012]

تصدقين اني عرفت السالفة قبل تحكين
لكن تصنعت الرضا لين تحكين السالفه

[دانه]

هم يحسبون المسأله كلها سلك
اذا انقطع تقطع معاه المسالك
ولا دروا اني بالاحساس ابادلك
مو شرط اشوفك واسألك كيف حالك
احس بك لو كنت ماني مقابلك
وتحس بي لو كنت ماني قبالك
دايم وفكري في حراوي منازلك
ان جا مجالك ولا ما جا مجالك
تدري وش اللي بس يقطع تواصلك؟
الموت بس الموت يقطع وصالك؟؟





اهداء للغلا بشر في خياتي

[نوماس5]

لوعتي فيك لوعه مالها من مثيل
جدد الوقت جرحي بين يوم وليله

[سيوف بني عبس]

‏​‏​تدري وش يذبح خفوقك وانت حي
والوجود يصير ماله اي ... طعم

الحبيب اللي عطيته / كل شي
من عقب لبيه يرسل لك [ نعم ] .!؟