[عنقود البدو]

الله يعطيك العافيه اخويه... ويا مرحباا ومسهلا فيك ..اتمنى لك التوفيق . ومزيد من التقدم والابدااع
..

وصح لسااانك

..

تبعدني اللحظه و أساااافر بدربــك ..
جيتك وأنا شاريك ماجيتك إعجااب
" وفيت لك من طيب أصلك وقلبك "
واشتقتلك من بد ربعي والأقراااب
وإن كـان منت "أغلى البشر" وش تحسبك ؟؟
لاصرت أشوف الناس من بعدك ( أغـــــرااااب )

[وحيد]

ودي ولاكن كيف تحقيق ودي\\\\\\\\عيى زماني لايجيلي على الكيف

[مرزوق العجوني]

ان مات غالي .. قلت حيل الله اقوى=انا آدمي مثله ولا فـي يـدي شي
ماهي بسيطة موتته .. لكن اشوى=المشكلة لا مات قلبه وهو حي !!!

[عنقود البدو]

نص ( حزن ) الكون مرسوم بـعيني

و نصه الثاني غدى" بـالقلـب ذايـب "

[العريض]

مساء الخير

تمنيت أشوفك يوم نامت عيون الحـي

وعذالنا نامـوا والأبـواب مصكوكـه

وجو البلد هادي والأشجار تقطر مـي

عليها الندى واغصانها الخضر مشبوكه

وظليت يم الباب بالليـل رايـح جـي

معني لك الاقـدام والـروح مملوكـه

[مرزوق العجوني]

مابك قصور و وجهك أبيض ومشكور=أدميت قلبي كثّر الله خيرك
الجرح ينزف بس مقدور مقدور=مصيري ألقى من يداويه غيرك !!

[عنقود البدو]

مسااا النور اخويه العريض .. يالله حيه


جيتك وانااا اخبر جيتك مهيوبه
بغير الكفو ماتحتفي وتهلي

جيتك شعر كله حلا و اعذوبه
جيتك غلا خل الشكوووك تولي

جيتك وفى لأفضاااالك المحسوبه
مانيب عن مبدا الوفى متخلي

[العريض]

الله يبقيك

يالبدويه هلا ومسهلا


توه صغير وبالهوا ماتعلم = لاشك حطمني بروعة دلا له

لا شافني عابر مع السوق سلم= اظهر خديدا مثل برق بخياله

واليا وقف عندي واقام يتكلم= اقليبي المسكين يكثر هباله

واليا نضر نضرة حنان اوتبسم= غديت له مجنون ليلى بلياله

يشهد على الواحد الحي الأعظم = مايوم مافارق خيالي خياله