[مرزوق العجوني]

هلا وغلا يحييك ربي عنقود اخبارك

تبي تشوف..الضياع.. بصورته شفني=شف ياعيوني..عيوني..تعرف أوضاعي
من دون داعي.. تعانق دمعتي جفني=وشلون لاصار يوم وداعك الداعي
الجرح يعطش؟وأنا الأوجاع تنزفني=مايعطش الجرح دام الساقي أوجاعي
تزرعني الريح بانفاسك وتقطفني=وأروح معها مثل ماروح شراعي
هذي ذراعي إذا جيت تخطفني=تحضن ذراعي..أو انك تلوي ذراعي
مادامني معك خل الظلم ينصفني=كل ماتجيبه سماك..تعيش به قاعي
خذني لحن من زمان الصمت واعزفني=وأصير أنا الناي..لا.والذيب والراعي
ميل وتمايل قبل مالدمع يذرفني=وان ضاقت الارض تحتك هذي أضلاعي
أجهلك واعرف كثر ماجهلك تعرفني=الحزن طبعي وأشوفه أجمل أطباعي
الجرح يظما وأنا الاوجاع تنزفني=وشلون يظما؟ وأنا الماء يشرب أوجاعي...!!

[عنقود البدو]

انا بخير وسهاااله .. والحمدلله ^_^

ياصاحبي لاهِنت ممكن دقااايق

في داخلي ضيقه مهي أي ضيقه

النفــس ماهي نفس والقلب ضاااايق

واغرب خيالي في عيوني حقيقه

[مرزوق العجوني]

دووووم ان شالله

يامعذبني ماعاد لي فيك حاجة=ماني على خبرك سواليف ومزوح
جرح مع الايام ..يلقى علاجة=وبعض الجروح علاجها..نزعة الروح

[عنقود البدو]

الجميييييع ان شاااااااء الله ^^


رافق رفيق لاتضااايقت .. يشفيـك ..
ماتنفع الرفقه على غير .. فزعـات ..


والا الردي عند اللوازم .. يخليـك ..
لا نافع نفسـه ولامنـه .. نفعـات ..


رافق اصيلن في زماااانك .. يداريـك ..
لاشاف غلطاتك مع الناس .. غطاك ..

[مرزوق العجوني]

جيتك .. وفي صدري من البعد ضيقه = واقفيت اخاوي .. ضيقتي مثل ماجيت !!

[عنقود البدو]

•
•


قالوا تمني .. قلت ضحكه من القلب
قالوا حزينه .. قلت ماعرف شعوري..

[هاني الرشيدي]

شكراً لك الجادل على الموضوع وهاذي مشآركتي

مايملا الغلا كل مخلـوق /// متمكنن مابين هذا وهاذي

ياكثر الغلا عند كل المخاليق /// واحد زايد والثاني ماكفاني

والله لشتريه لو ينباع بفلوس/// ماضن احد بيرفضه لو كان غالي


~ طبعن انا مبتدى في الشعر والقصيد / ولا ادري كيف ابدا في توسيع خيالي عشان قصايدي تطلع جميله وحلوه مثل اخواني ،، وهاذي اول قصيده اكتبها وان شاءالله اجيب اكثر واكثر وحبيت ابدا من هالمنتدى اقرى قصايد قبيلتي وعطيكم مشاركات جميله ولا اطول عليكم

[مرزوق العجوني]

شد حيلك وان شالله راح نشوفك من المبدعين

ياللي نسيتوا كيف تنسون الأحباب=اللي يعيشون الوله و الصبابه
يعني نسيتوا لننا ناس غيّاب=والا الحبيب إن غاب ننسى غيابه
و الا قسيتوا وانفتح للجفا باب=هذا الجفا ملعون لأنفك بابه
دامك كذا لارحت لاتذكر أسباب=بس اذكر اني عشتبك لـــ الصبابه