[النمر1012]

لبيه ياظل الهقـاوي .. ولبيـه
لبيه ياظـل الفـرح واغنياتـه
هذا حنان الحب هـذي مواريـه
هذا جنون الشوق هذي سواتـه
ماكل من لمع شعـوره اماريـه
وماكل من لمح خذتنـي غلاتـه
دونك ودون الحس عشنا مشاريه
دونك ودون الحس فيها شماتـه
ياورّق ياحايـم امانـه توديـه
حرفي وهات الرد ياورّق هاتـه

[ذبحني غروركـ]

كل شيّ متغيّر ، وهالدرب - مو دربي !
...... مشيت ، رغم الجروح المدميّه .. وأيقنت :-

مهما عطيت الوفا ، والحب يا قلبي ،
...... محّد بيوقف معاي ليا إنكسرت .. إلا أنت !

[سعد بن عادي]

لا همني قربك ولاهمني رضاك
...........والله ولا ذكري بقلبي تجيبك
الصد عندي من بقايا عطايات
..........لا بوك لابو كل طاري يجــيبك

[ذبحني غروركـ]

وللحزن في خافقه ثورة شعوبٍ تصيح
وحكومة الفرْح .. طاحت كلها بين نار

وتعلم أن الزمن لو مد يبقى شحيح
يعطي فرح لكن أحزانه بتبقى كثار ..

وتعلم أن الفقر عادي و وجهه قبيح ،
مايقتل إلا حياة .. الامنيات الصغار

وآمرّ حاجه على باله .. / وعيّت تزيح
غياب الأحباب .. عنه وقسوة الانتظار

[النمر1012]

ترى انتي قطرة الديمه وانا وديان عطشانـه
وتسقي ديمتك قلبي ويزهر ورد مـن لونـك
ترى نصف الشهر كسبان ترى ليلته كسبانـه
إذا شالوا البدر ليلـه هناهـم لـو يحطونـك

[ذبحني غروركـ]

وصلك اللي بالجفآ له طبع خآص
(مآ أبيه) (ومآ أبيه) (ومآ أبيه)

(كنت محتآج الوصل) لكن خلآص
خل وصلك لك (وسلّم لي عليه

[نوماس5]

ان جيت يا خاطر عسى الله يحيِّيك
على الشّحم ومبهّرات الدّلالي
عند الرفيق اللّي يعزّك ويغليك
حيثك ولد عودٍ عزيزٍ وغالي
وان رحت يا خاطر فلاعندنا فيك
تغيب عنَّا شهور والاَّ ليالي
خذها على الذِّرعان منِّي وانا اخيك
الكذب ماهو من سمات الرِّجالي
لاراجيٍ غيرك ولانيب راجيك
في كل ميرادٍ طوالٍ حبالي
افتل واحل معقِّدات الشّرابيك
واشيل ما شالت ظهور الجمالي
ياما تصعلكنا وصرنا صعاليك
وياما تحمّلنا الحمول الثّقالي
للمرجله صرنا عبيدٍ مِماليك
وكفوفنا تندا من اوّل وتالي
لو كان مانملك رصيدٍ على شيك
اوجيهنا عند النشّاما طوالي
نشوم عن هذي ونِرهي على ذيك
وما حاشت ايدينا مهو راس مالي

[سهم عبس]

لاتلمسين الجرح والجرح ماطاب *** بس اتركيني لين تبرا جروحي
انتي مصابه بس انا حيل منصاب ** وعقب المصيبه صرت لاابصر ولااوحي
لاتواخذيني يابعد كل الاقراب *** انتي من الغالين تسوين روحي
لو أني أزعل والزعل سلم الأحباب ** ماهو صحيح الغيظ هذا مزوحي

لايخدعك صدرن عليه القهر ذاب ** ويضيق من نصح الصديق النصوحي
وان قلت لك جبتي لي الهم كذاب *** انتي ليا جيتي همومي تروحي
لاضاع نجمن منجم والقمر غاب *** يدلني نجمن شعاعه يلوحي
زادو حريق النار والجمر شباب *** والنار ماتطفي وصدري يفوحي
مثل الغريب اللي ورا زلفت الباب *** نادا وعيا صاحب البيت يوحي



اهااااء لي نفسي ..............................!؟ خو يعرف نفسه