[النمر1012]

طُرْفَه:نَقَشْ خوله على وجه الاطلال
بَمْعَلَّقَـةْ شِعْـرٍ تَـوَفّـى بَطَلْـهَـا


ظلّت تِعَايِشْهَا علـى مـرّ الاجيـال
قلـوب خـلاّنٍ عفيـفٍ غَزَلْـهَـا


وأنا (نِقَشْت) اللي غلاها، برا الحال
على الضلوع اللي غرامـه نِزَلْهَـا


وياليل قِلْ (لَحْبَيِّبي) طيّـب الفـال
إن القصايد،فيـه قمـت ارتجلهـا


وأصبحت أغنيها على كُـل مـوّال
وأنْـزِلْ مرابعها.وأَعَنِّّـزْ :جِبَلْهَـا


ياليل أنا لـي مُـدِةٍ ضايـق البـال
ومدري متى الضيقه معاك اعتزلها


ياليل انا مجروح وهمومـي اثْقَـال
وإن كِنْتْ تقوى شَيْلَهَا (هاك شِلْهَا

[آهــذريــبــك]

لو كل غالي يجي دايم على ذكره
ماصرت اشوفك هناك وحبك هنيا
ياليتني لابغيت أكره قدرت أكره
ماكان قلبي ليا جيت اكرهك عيّا

[النمر1012]

على صدر السماء موعد وزهرٍ يبهـر الناظـر
مثـل ماللطفـل بسمـه بريئـه نـور نوّرهـا
هنا كان الهنـاء نسمـه بفيضـه توهـا بـاذر
وجاها الصيف في غفله ولهيب القيض غيرهـا

[ذبحني غروركـ]

عيونك اللي تجيب العيد فـ عيوني
من لد فيها النظر ذاب فـ نواظرها

كنها تقول السحر في ناعس جفوني
وشلون عاد العيون اللي تناظرها !

[النمر1012]

تدلل واشعل الدنيا دلع يا مكحل العيون
وشوف اني على كيفك ومن كيفي وتهوالي
تجيني بعشقك الصافي واجيك بقلبي المفتون
الاقيك بشجن جارف وتضحك لي وتسعالي

[ذبحني غروركـ]

الغلا يصعب على راع الغلا تحجيمه
انت ريح اللي بقى من واقعي واحلامي

علم عيونك تشوف ان للمشاعر قيمه
لا تسولف من وراي وتبتسم قدامي

[النمر1012]

تريّث يا بياض الورد ابسرح مع صدى سكاتك
تمهل يا حنين الامس انا كلي فدى عيونك

[ذبحني غروركـ]

ان جيت أوضح لك شعوري ترددت
أخاف تفهمني غلط في كلامي

بيني وبينك الف مره تمردت
لكن بلا تصريح يا احلي الأسامي