[مرزوق العجوني]

بالله ارجع شوف وجه المدينه=تبكي شوارعهامن اسباب فرقاك
حتى المباني من فراقك حزينه=الريح صوت ونبرة الحزن شباك
والليل بيح في غيابك حنينه=ينشد نجومه وين طلعت محياك
بردوظلام ودمعته وسط عينه=راح يتلمس في زواياه يمناك
كنه طفل غاب الفرح عن سنينه=يشتاق لك ويحن لك ويترجاك
والشمس تطلع تسأل الليل وينه=تقطع خيوط الليل من شان تلقاك
تاقف وتمشي كنها لك رهينه=تمشي وتاقف في سماها تحراك
ياصاحبي صاحبك الله يعينه=محدآ عرف وشلون حاله بلياك
عزيز نفس ولارضى بالغبينه=البعد يغبن والغبن كيف ينساك
من زود حبك صرت دمعه بعينه=يخاف لاتنزل رجوله توطاك
حال الفراق المر بينك وبينه=يرمي حبال الوصل يمك ولاجاك
شاعر صدى حرفه يترجم انينه=يموت حي لافقد مثل شرواك
هذاأنا وجروح قلبي دفينه=تعال داو جروح بعدك بلاماك
هذاأناودموع عيني سجينه=هذاأناياصاحبي لاعدمناك
إرجع بدونك بيض الايام شينه=ياخي حرام إرجع ترى الكل يبغاك
بالله إرجع ضاق صدر المدينه=تبكي مبانيها من اسباب فرقاك

[عنقود البدو]

يـاربّ
لآ منِّي ذكرتكـ وصليت
وذكرت عفوكـ وإنكـ لآ ضقت عُوني
ضحكت ..
ضحكـة طفل لآهي / وسجِّيت!!
ماآهمنِّي
لو الجميع [ خذلوني ]

[العريض]

السلام عليكم



تمنيت أشوفك يوم نامت عيون الحـي

وعذالنا نامـوا والأبـواب مصكوكـه

وجو البلد هادي والأشجار تقطر مـي

عليها الندى واغصانها الخضر مشبوكه

وظليت يم الباب بالليـل رايـح جـي

معني لك الاقـدام والـروح مملوكـه

[عنقود البدو]

ياهـــــلا وعليكم السلاااام والرحمه

جيتك وانااا اخبر جيتك مهيوبه
بغير الكفو ماتحتفي وتهلي

جيتك شعر كله حلا و اعذوبه
جيتك غلا خل الشكوووك تولي

جيتك وفى لأفضااالك المحسوبه
مانيب عن مبدا الوفى متخلي

[العريض]

هلا بك زو د

تدري وش معنى تضيق الوسيعه

معناتها إني بين ميّت ,, و محتـاج

وإن الثوانـي ما تعـدي سريـعـه ..

وإني عجزت القى مع العالم عـلاج

[عنقود البدو]

كفاك دموع يا قلبي تـرى دمعـك علـي غالـي

انا مالـي بهالدنيـا أحـد غيـرك يواسينـي

دخيلك حتى لو صاحت جروحك ترفـق بحالـي

أخاف صياحها تحيـي جـروحٍ ميتـة فينـي

صعيبة و الله هالدنيا علـى مثلـك وأمثالـي

[العريض]

وهني طفل ٍ مابعد لاعه الهم = يلعب مع الأطفال والقلب داله

وهني شخص ٍ للهوا ماتعلم = يكره اليا اطرو عند وجهه مجاله

عزّاه انا ماعاد بي قطرة الدم= جسمي نشف والقلب زاد احتماله

[عنقود البدو]

لـوٍ كلي ألـمٍ ينـزف

أبـظهر لـك فـرح وٍسـرور

ولا أرضى مـرهـ يصيبـگ/جـرح بأسبابـي