[بعيد الطواري]

عطني من الي شفت وان كان خبيت
نذرن عليّه مانسميك غالي
حيرتني مابين مخطي .. ولا اخطيت
حار الجواب يدوج منطق سؤالي
انا على شان الغلا ماتغليت
طبعي على زلات ربعي شمالي

[راسبه بالحب]

اشلون حالك يابعد حال مغليك
يالي عليك الروح ضميا وشفقا

من رحت وانا ودي اصيح ودعيك
ما طيق انا ياصاحبي منك فرقا

[بعيد الطواري]

هلابك يابحر واسمع ضروفي
مادامك تخفي اسرار وغرابه
ابيها يابحر بيني وبينك
مدام ان البلا حاسب حسابه

[راسبه بالحب]

العين خرسه ومن تحت رمشها ظلال
يضيع لون الكحل ، داخل هدبها

والشفه اللي فوقها ، حبة الخال
آية حسن ، سبحان ربٍ كتبها

[راسبه بالحب]

غالي ولك في القلب نبع ومصبّه
اعذب من الشهد المصفى شرابه !

واقرب من حبال المعاليق حبّه
واحن من عرق النسب والقرابه

[بعيد الطواري]

الصمت في شوقه معاذير باحساس
ينبع دلاله من دلال الغنادير
ما للحكي درب(ن) على شفة الكاس
لا صب من ريقه بحزة بواكير
ياطلقة (ن) شبت بلا طرق ترباس
و لا ينفع الرامي بعدها محاذير

[كبرياء امراة]

‏من قبل لا تبعد عن العين وتغييب
وانا ادري إنا بنفترق عن بعضنا

مع اني ماعلم لو توفقت بالغيب
لكني اعلم ليه .. ضقنا وعفنا ..!"

[شموخ الغلا]