[عنقود البدو]

امانـه قبـل أروح و ينتهـي كل شـي طالعنـي
عشـان تعـرف وش معنى العطـا قبل الأنانيّـه
أبرحـل والطريـق اللـي يـودي ما يرجعنـي
يبي يغنينـي الله عـن هوى حبـك و طاريّـه
خـذ البـاب بطريقـك والعـذر ماعـاد ينفعنـي
ترى ماعـاد لك قيمـه ولا للحـب أهميّـه

وتصبحوون على خير

وبأمان الله

[وحيد]

حالة غريبة

اتصدق احيان اخافـك حيـل واهابـك
واحيان أقول السلامه منك مضمونـه


واحيان اتعب ليا من طـوّل اغيابـك
واحيان قربك يزيـد الهـم وطعونـه


واحيان اصدّق كلام(ن) قيـل يحكابـك
واحيان اغض النظر واقول: لعيونـه


واحيان اقول آآآه ليت الحظ ماجابـك
واحيان اقول إيييه ذقت الحب وفنونـه


واحيان الآحظ كلامك زين واعجابـك
واحيان مدري كلامك ويش مضمونه!


(حاله غريبه) .. اعيش الحب واحيابك
درست نوع الهوى حكمـه وقانونـه


جمعت فيه المشاعـر وانقفـل بابـك
وأرسلت لك قلبي اللي بـاح مكنونـه


صبرت ياصاحبـي يامكثـر اعتابـك
ياليت حظ العرب بالسـوق يشرونـه


مليت اراجع واعاتب صفحـة اكتابـك
حتى عيوني بكت لـه يـوم يقرونـه


ومليت اهدّي واراعي ثورة اعصابـك
وأخاف لأسأل واقول (فلان) وشلونه؟


واخاف لأهل الحسد بالهـرج تغتابـك
الوقت قاسي وبعض النـاس ملعونـه

[شاعر بني عبس]

تسجيل حضوور ...

وليد اللحظه

يامنتدى جيت عانيلك وفي النيه = اهدي على كل عضو ألفين جوريه
وتحية ٍ بالذهب والمأس مكسيه = من شان اسم الرشيدي جيت عانيلك

[(*العرعري*)]

هلا هلا وصح لسانك وصباحك عسل ووررد





حرام الذهب يصرف علشان دخديررر
وقلبي هواوي والحمامه تنوحي

[شاعر بني عبس]

هلا فيك بزود
صباحك مسك وذهب
صح الله بدنك يالغالي ..

سلام ياعبس الكريمه عد ذعذاع الشمال = تسليمة ٍ من شاعر ٍ يبدى بنظم ابياتها
يامحزمي ياعبس وافين المكارم والخصال = ياجبال ٍ شم ٍ راسيه ٍ تشهد لها وقفاتها

[النايفه الوفيه]

يا قبر أعز إنسان غالي رقد فيك

خفف عليه من التـراب الثقيلـي


يا قبر ماني طيب عقب راعيك

اللي رعاني صار عندك نزيلـي


أغليك أنا يا قبر من حب راعيك

مرحوم يا راعي الوفا والجميلـي

[شاعر بني عبس]

احبك واعشقك واعشق حروفك واسمك واهواك = احب حروفها في لدغة لسانك هو يحليها

[مسندالعويمري]

حطيتلي في منتدى عبس عنوان=اهل الكرم والجود واهـل اشهامـه
في منتدى ربعي طويلين اليمـان=حطيتلـي بصمـه كبيـره وعـلامـه
بصمة وفا تبقـا علـى مـر الازمـان=وبقـى الوفا معهـم ولابـه ملامـه