[وحيد]

شعرك نشف والا لها الحين مبلول .... ياللي تقولين المطر بل شعري
يقولها وهو من الغيض مقتول .... ويقول شعرك للمــطر ليه يغري
دامك تعرفيني غيور ومهبول .... امانتك شعر تغـــطاه صدري
لا تتركينه منتثر دوم مــفلول .... اخاف تغريه السـحابه بهجري
مابيه يلمس غير كفي على طول .... حتى بهبوب الريح مابيه يذري
شعرك نشف ولا لهالحين مبلول .... قلت الصحيح انا لهالحين مدري

[عنقود البدو]

من صد عنا ما حسبنا له حساب
الرزق عند الله وهذا اختياره
إن جا نحطه بين طيات الأهداب
وإن صد ما عشنا العمر بإنتظاره
ومن طق باب الجود يحظى بترحاب
ومن طق باب البخل شاف احتقاره
ومن رافق أهل الطيب طابوا له وطاب
إن ما ربح ما شاف منهم خساره
ومن ناظر أهل العيب بعيون الإعجاب
سلك مسلكهم وضيع مساره
ومن لا يطيع الشور في مسلكه خاب
عقل الذكي يضويه نور استشاره

[شداد المظيبري]

يا ابو عدنان وش بلاك مهجور** لك يومين ماشفت اللي ترتجيه

الله يسامح الي بك غادر** قال اجيك ولاشفت في يوم طلته

[وحيد]

خلك على هجرك وصدك وفرقاك
النـاس واجـد والحبايـب كثيـره

مالله خلقني اتبع الناس شرواك
راع الوفا والطيب تابـع مسيـره

لاتحسب ان الليل كله بطرياك
يالله عسى فرقـاك والا مـر خيـره

ولاتحسب ان القلب بالحب بداك
فرقاك ريح الـورد محـلا عبيـره

افرح لصدك والعن الحظ وياك
وفـرح ليـا شفتـك بحالـه خطيـره

وزعل ليا من جابو الناس ذكراك
ياغدر ياجرح السيـوف الشطيـره

[عنقود البدو]

من رافق أهل الطيب طابوا له وطاب
إن ما ربح ما شاف منهم خساره

[وحيد]

اخطيت انا في قولي يومٍ قصدناك
تراك عندي مثـل حبـة شعيـره

انت الغدر ولا الغدر تحت ماطاك
ولا سفير الغـدر فـي كـل ديـره

في كفك اليمنى شرايبك واشواك
وفي كفك اليسـرى حكايـا قصيـره

والله حسافه ماكسر ضلع يمناك
يومٍ حذفت اللي بيّدي وغيـره

عيبٍ على نفسي تحبك وترضاك
لو انت ماغيرك بوسـط الجزيـره

الفين خشف وريم تسوا مزاياك
ولا انت مثلك يمكـن الله يجيـره

لارحم ابو ساعه في ذا العين شفناك
ولارحم ابو ساعه عيوني سهيره

[النمر1012]

الي الجوري

بيت الشعر إن وصل حامل سلاماتي
مع هبوب اللهيب الله يعدّلها


يا كيف جوّك حبيبي في المسافاتي
تمطر رزازٍ سهدْ عيني يخايلها


اسأل لان الحرارة أتغص كلماتي
وأشوف ليلي مع صبحي يحايلها


لا شفت شرق أتنفسْ من خيالاتي
ارسم خيالٍ حلو نفسي يشاغلها


أرسل سلامي و مسّي بكل حالاتي
أوجس شعورٍ سكن فيني يغازلها


خذني معاك أتبضّع اصرف أبياتي
يمكن تجف المشاعر لو اقابلها


أجمل حبيبه بعيني ترسم اشفاتي
لأني أعيش الحقايق ثم أناولها


اقرب وسيله بقلبي تبدي بسماتي
مجبور يا لايم المغروم يجاملها


هذا كلامي و يكفي الصّبر ماتي
انظر رياحٍ تشل روحي لسائلها

[وحيد]

مـات حبـك والبقيـة فـي حـياتـك ********** فـي حنـايـا خـافقـي لاقـى مصيـره

خـذ مـع الجثـمان باقـي ذكـرياتـك ********** تجـربـة حبـي معـك كانـت مـريـرة

يا عـدو الحـب ركـب الحـب فـاتـك ********** لا تجـيب ان طعنتـني للحـب سـيــرة

ما يعـرف الحـب من سـوى سواتـك ********** يجهـل الاخـلاص مـن ضيـّع ضميـره

حبـك اللـي تدعّـي هـو حـب ذاتـك ********** ومـن يحـب الـذات ما يخلـص لغيـره

غـرنّي يا صـاحبـي ظاهـر صفـاتـك ********** غلطتـي للأســف كـانـت كـبيــرة