[النمر1012]

الي الجوري
خذ الشعر مني مكاتيب واحساس
لك الغلا يلهب شعوري لهايب


وحن قصيدي بالحبر كل قرطاس
واكتب على صفحات عمري حبايب


ياخافقي كثر المخاليق اجناس
وانت الوصايف في طبوعك غرايب


مثلك/عيونك/ شوفها الزين انعاس
ذايب على رمش الحلا فيك ذايب


فيك الرشوش اللي به الطيب نسناس
مشراح في زولك بروق وسحايب


والروح يوم الضيق..له انت انفاس
بستان من صدرك..شذى فيه طايب


في صوتها بحّه وانغام واجراس
والبسمه اللي في شفاته عجايب


هي خيل تمشي والحوافر من الماس
في دبكها تسمع طبول ورهايب


وحش/ صعب/ هو عاليٍ رافع الراس
طليق في كفه كرم خير جايب


شموخ في صرخت وغى سيفها باس
ابتر بها روس العدا والخرايب


رحت ادور لك شبيهٍ مع الناس
رجعت خالي ما لها من سبايب


حاير ومدري بالفكر كل هوجاس
عجز خيالي يوصفك فيك هايب

[وحيد]

يا خاين العهد غادر
وابعد ولا ترتجيني
مليت زيف المشاعر
لا ترتجي شوف عيني
كتبت لك بالخواطر
يوم الهوى يعتريني
والقلب غادي وحاير
يمسي وطبعه حزيني
كم كنت لاجلك أكابر
واقول هذا حنيني
لاجلك يجيك ويسافر
واسمك بروحي ضنيني
بايدك حفرت المقابر
وانا فؤادي بايديني
والحين شفت المعاذر
منك وياكم يجيني
وتقول بالحب شاعر
ترسم حروف الهجيني
لو صدق في العشق قادر
تنسى اللي بينك وبيني
بارحل واسافر واهاجر
وانسى وربي يعيني

[عنقود البدو]

السلام عليكم

قمت اتذكر ما مضالي مع الوقت
لقيت بعض الذكريـات وتعديـت
اخاف لا مني تأملـت واشتقـت
للماضي اللي راحت ايامه اضميت

[وحيد]

ضيقة البال وديني وجيبينــــــي .......... ترفقي في صديق ضايق بالــــــه

حذرا تروحين ولحالي تخلينـــــي ..........خلك معي خل الأفكار شغـــالــه

انا صديق الصديق اللي يصافيـني ......... اللي سلامه يكبر قدر مرسالــه

دورة هذا الصديق وشحة سنيـني ............ الله يكثر على الدنيا من أمثالــه

[عنقود البدو]

دار فكري تصاريف الزمن وانشغل
بين حسرة محب وبين فرحة حسود
والليالي توالا والقمر مـا اكتمـل
نوب ضوه يقل ونوب ضوه يـزود

[(*العرعري*)]

وعليكم السلام



من البدايـة ليـن حتـى النهايـه
وافي معك ماكنت في يوم غـادر
والعكس بالهجران تحسن جزايـه
ومجندٍ لك فـي حياتـي كـوادر
يامنتهـى درب الشقـا ياشقايـه
انته من انواع الشقا نـوع نـادر
اكسب رضا نفسك وترهن رضايه
مدري متى عنك التكبـر يغـادر

[النمر1012]

وعليكم السلام اختي ابتسامههلا يا بهجة الخاطر
هلا يا متعة الناظر
أحاسيسي تهلّي بك
هلا بالغايب الحاضر

[عنقود البدو]

ياخاطري سولف علي مابقا اصحاب
في عالـمٍ كلـه ذنـوب وخطايـا
لي سن يضحك بالشدايد ولي نـاب
ولي هامـةٍ تشمـخ بكـل المرايـا