![]() |
|
خيارات الموضوع | ابحث بهذا الموضوع |
|
مسرح جريمة قصتي اكثر غموض مـن الحريـق
اللـي تضيـع بـه الدلائـل والقرائـن والتـهـم مافيـه امـر مـن الصديـق لياتنكـر للصديـق ولافيـه بالدنيـا اهـم مـن المهـم الا الاهــم الياصرت بالحالـك فريـق وفيـه قدامـك فريـق وتخاف بكـره لانهزمـت يقـال مسكيـن انهـزم خذلـك طريـق تظمـن انـه بالنهايـه مايضيـق وان طعت شوري خذ طريق الله ترى مابـه نـدم وانا استخرت الله وعينـي خايلـت قمـة طويـق القمـه اللـي فوقهـــــا رفـرف للامجـاد العـلـم والله لعانـق راسهـا مادامنـي حــر طلـيـق حــــر اليامنـه شلــــع مـن سرعتـــه مثـل السهــــم ماعادت احلامي على خبرك ترى خبـرك عتيـق وان شفت بعيونك هرم , حلمي على راس الهــرم لي مده احلامي من العالي علـى الجزلـه تويـق صافحت كف المستحيـل وقـال : مـد ام الشحـم انا بـرئ مـن اي حلـم يلبـس ثيـاب الرقيـق ان ما امتــطى صهـــوة جـواد العـز بالله واعتصـم اقسمت ما انسى واجبي واخترت لـي درب يليـق وانـــــا هنــا والا هنـا مــا انســـى انــتمائـي والقـســـم مادام نيشان الفخر له في سمـاء صـدري بريـق وشلون نيشان الولا اللي داخل القلـب انرسـم!! جدي وابوي معاهديـن الديـن بالعهـد الوثيـق وانا على نفس الطريق اقسمت والوضع انحسم..!! والوضع انحسم والوضع انحسم والوضع انحسم والوضع انحسم |
|
ليس الحاسد الذي يريد أن يساويك بحيث يصعد إلى مستواك.....
وإنما الحاسد الذي يريد أن يساويك بحيث تهبط إلى مستواه.... |
|
الله يغفر لي كبار المساوي
في يوم تجزا كل نفس بعملها انا بوجهه من جميع البلاوي وبحماه من طيش النفوس وجهلها رب لغيره ما تلوق الشكاوي اللي خلق كل النفوس وكفلها لافكت ابواب الامل والرجاوي افتر دولاب الزمان وقفلها ولانقص ظني ولانيب اراوي في قدرة اللي لستمالت عدلها حتى لو ان قلبي شفوق هواوي وله حاجة يسعالها ما وصلها ما اخايل الدنيا بعين الشفاوي السلعه اللي عند اهلها لاهلها نفسي سموحيه وقلبي غناوي واللي تروح ويعوضنا الله بدلها لاصرت فالواقع فقير شقاوي احلم وخل النفس بالحلم تلها |
|
ابن عمك لا زعلك شرّه عليه
يقنعك بالحق و الا تقنعه انشده وشجاه و الاويش فيه انشده ولا تقاطعه اسمعه حتى لو انه المخطي .. ما عليه مشّها مادامها تمشي معه و كانك المخطي وهو رايه وجيه اصمت و لو يوجعك لا توجعه وكان قصّر وانت عادك ترتجيه لا تقصر فيه لا جاك انفعه ساسه الطيب على الطيب يحديه ياصلك حتى لو انك تقطعه وان بلاك الله برجال سفيه روح فـسناعك وخله في سنعه صد عن وجهه على شان الوجيه من ضياق الجهل الى عقل السعه |
|
ياللي تميز ويش رايك من قبيل الانفلات
نتداول الصدق اللي ماتلقون احد يتداوله مدري متى يصح الصحيح الله يغربل ذالحياة تقول ذالدنيا مع حثال العرب متقاوله اللي كفو ماهو كفو والغافلات الخاملات يجي ولدها وكل شي نزاوله بيزاوله شمس النهار النجم تسبح تحته الكويكبات ماهوب في حاجة عطارد يسعفه ويناوله واقرب مثل على انتكاس الوضع بعض الامسيات شاعر ومستشعر ومبدع كلهم في طاوله كم مهرجان وامسياته كلها متلخبطات تطاولوا على الكبار الشله المتطاوله ترتيبها بالعكس مدري شلون جابوها وجات تحاول اللجنه بشي وماتعرف تحاوله ناهيك عن اقحام ((بعض النسوه)) المستشعرات لاهداف دونيه يقهويها وهي تفاوله مرضي البشر كايد ولكن تستمر محاولات سدد وقارب والفشل سمه خلل في محاوله ملاحظه ومافيه شي الا عليه ملاحظات اللي ضرب عرض البحر يصبر على مهاوله |
|
|
شكر ليس إلا
شرفني هذا التواجد كثيراً وحملني هماً كبيراً شكراً لكل من تواجد في مدونتي الصغيره وشكراً لكل من تفاعل معها جل ما أتمناها هو الوصول إلى قلب وعقل القارى المتذوق لا نهاية للشكر هنا |
|
آلله يحيك يآ شهر آلعمـل و آلصيـآم إعدآد مـآ سآلـت آلغيمـه همآليلهـآ يآللي يسآوي حضورك ألف عآمٍ و عآم أقبلت .؟ و أنت آلمحآسن في محآصيلهآ يآ رب و أقبل من إعبآدك صلآه و قيآم آللي على ذنوبهـآ تركـي معآميلهـآ رحمآك يآ غآفر آلزله عظيـم آلمقـآم إتجيرنآ .. من غسق نآرك و من ويلهآ
|
يتصفح الموضوع حالياً : 68 (0 عضو و 68 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
إهداء لكل رجل ! | كبرياء امراة | المنتدى الأدبــــــــــــي | 8 | 26-06-2013 09:54 PM |
إهداء إلى كل شخص عزيز | مناورالعويمري | المنتدى الإسلامـــي | 24 | 11-12-2012 09:14 PM |
سائق يترك معلماته على قارعة الطريق بعفيف | عليان علي | المنتدى الإعلامــــي | 8 | 15-02-2012 01:14 AM |
إهداء إلى ولد الجزيرة .....~{ | الغريبة | منتدى الصوروالفيديو والسفر والسياحه | 9 | 30-11-2009 09:54 PM |
إهداء لك رشيدي | شاعر حرب | منتدى الشـــعــــر | 16 | 24-06-2008 09:19 PM |