|
خيارات الموضوع |
|
ياعلي خل العيـد لأم الدناديـش .. .. اللي تنظف كـل يـوم جسدهـا تبغي تماري ناقضات العكاريش .. .. في كل ملفـاح تنقـض جعدهـا العيد عيدالله ولو فـات حتيـش .. .. من حسبة ايـام يمـرك عددهـا نبي نعلمك المساري على الجيش .. .. تمشي ذلولك لين يفتـر جهدهـا خابرك مانت بضاريٌ للمطاريش .. .. نبيك تونس حلوها مـن نكدهـا ليله على مسرى وليله مغابيـش .. .. وليله نخلي نومها لمـن رقدهـا وليله على تمره وليله على عيش .. .. وليله نوكلك اللحم صيـد يدهـا ياعلي لاجيت العرب لاتجي تيش .. .. خبل ليا جاب السوالف سردهـا إحفظ لسانك لا يجي فيه تبطيش .. .. تصبح عيونك كايـدات رمدهـا يجيك من ينشدك نشـدة تكديـش .. .. يبـي يسنـع هرجـة يعتمدهـا خله يقوم مفلت في يـده ريـش .. .. يروح منك وحاجته ما وجدهـا ترى دعابيل الخبـول الفوانيـش .. .. تبدي بما فيها ولا احـد نشدهـا يجيك واحدهم يـورش توريـش .. .. سحابته يسبـق مطرهـا بردهـا واللي لغمقات السوالف مناقيـش .. .. قراية الكلمة علـى اول عددهـا تجي سوالفهم بضحك وتبهيـش .. .. وقلوبهم ما احد يفكـك اعقدهـا الموضوع الأصلي: العيـد لأم الدناديـش لــ صقر النصافي | | الكاتب: فهد المويسه | | المصدر: شبكة بني عبس
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
حفل زفاف سيف النصافي | الدعوه عامه | منتدى مناسبات وافراح القبيله | 11 | 23-11-2010 11:14 PM |
على كثر اتصالات الخلايق في صباح العيـد | اسير الصمت | منتدى الشـــعــــر | 5 | 04-10-2008 06:41 AM |
من روائع صقر النصافي | بدر الحشية | منتدى الشـــعــــر | 4 | 22-10-2007 03:17 PM |
صقر النصافي | سلطان | منتدى الشـــعــــر | 6 | 08-11-2006 12:40 AM |