[أحاسيس]

طاحت من اكتاف التعب [اربع شهور]
...... وصاحت من اتعاب الكتوف .. الثواني..


وصار الحزن[شباك]..والصمت ديكور
...... وبكاي .. [ترتيلة مطر] .. للمواني..!



والدمع شمع.. ومعظم احيان [بلّور]
...... يتمرجح اهدابي.... / ليا من بكاني..!



كل ماأغني يختنق [صوت عصفور]
...... وكل ماسكتّ .. تموت فيني [أغاني] ..!



وكل مامكاني يجفي [اصابع النور]
...... أشعل اصابيعي .. و أجفى مكاني..!



ومن كثر مانا [طاغية].. حسّ وشعور
...... مابي هلي يدرون ... اني أعاااني..!


أطلع ابروز [ضيقتي] فآخر السور
..... إيلين تبكيني ...\ السكك والمباني..!


وارجع و ألقى ياوطن.. ضيق منثور
..... إسمع... / ولا تنثر دموعك ..عشاني..!



طفلتك ماتملك سوى..[ حلم محصور]
.... و[شويّة العاب] ... / وحكايا موآني ..!



تحضر غياب وتلتحف..:غيبة حضور
..... ينسونها .../ وتقول: محد نساني..!



تحلم.. وتخنق حلمها .. [وحشة الدور]
...... والمدرسه....وهواش [أبله تهاني] ..!


وعلى كثر مابلّل اطرافها ... [النور]
..... تفرد أصابعها .. \و [تطفى] معاني ..!


وعلى كثر ماتترك الصبح [ممطور]
..... تذبل ... لأن الصبح دايم .. [أناني] ..!


مامات من [برد الصباحات] .. عصفور
..... بس هيّ [ماتت] .. من كثر ماتعاني ..!

الموضوع الأصلي: مآ مآت من برد آلصبآحآت عصفور ,, | | الكاتب: أحاسيس | | المصدر: شبكة بني عبس

[راسبه بالحب]

تحلم.. وتخنق حلمها .. [وحشة الدور]
...... والمدرسه....وهواش [أبله تهاني] ..!


عوافي على الطرح المميز

لاعدمنا جديدك

[بندر الشويلع]

صح لسان شاعرهآ
ووتسسسلمين ع النقل المميز

[احمد منيف]

مامات من [برد الصباحات] .. عصفور ..... بس هيّ [ماتت] .. من كثر ماتعاني ..!

لاهنتي اخـتي ع النــقل

[أحاسيس]

يشرفني مروركم

[كحيلة]

لاهنتي يالغلا على النقل المميز..
كل الشكر لك..
لاخلا ولاعدم..

[صوت الشمال]

صح الله لسانك ولسان شاعرها..
وشكراً على النقل المييز..
لاخلا ولاعدم

[الصقر الشرقي]

(مامات من برد الصباحات عصفور)

((طال الفراق شوي او يقصر شوي اكيد ماحدن ميت(ن) قبل حينه
شكرا على الابيات المتميزه