[عواض بن بهلان]

بسم الله الرحمن الرحيم
السلام عليكم ورحمة الله وبركاته
اضع لك هاذي القصيده
وامل ان تعجبكم

ان كان فيك اطفوق بصير مطفوق=واعلمك بالعلم شره وخيره
الرزق عند الله ماهو عند مرزوق=مرزوق رازقه الولي زي غيره
ياصاحبي لو خايلت عينك بروق=لاتفرحك ما دام ما هي غزيره
ولا تصدق انه كل مطرود ملحوق=كم واحد(ن)صقار قد ضاع طيره
ولا تاخذ الا علم رجال ماثوق=ولا تستشير اللي عديم(ن)ضميره
ماكل رجلن نظرته بالسماء فوق=ولا كل رجلن سر صدره ابيره
سر المراجل بين عاشق ومعشوق=والمرجله سهل ولاكن عسيره
والشجره اللي مالها بالثرى عروق=تفنى ولوان اغصونها مستديره
والبن ماهو كيف لا صار محروق=والسيف ماله هيبت(ن)في جفيره
والشعر غالي والمعاني تبي ذوق=والقلب مايعشق سوايا منيره
والرزق عند الله ماهو عند مرزوق=مرزوق رازقه الولي زي غيره

الموضوع الأصلي: الرزق عند الله ماهو عند مرزوق | | الكاتب: عواض بن بهلان | | المصدر: شبكة بني عبس

[مداروفلك]

ان كان فيك اطفوق بصير مطفوق=واعلمك بالعلم شره وخيره
الرزق عند الله ماهو عند مرزوق=مرزوق رازقه الولي زي غيره

صح لسانك
عزالله قصيده جزله وفيها ابداع

وانت مبدع

وشكرآ لك

وتقبل اعجابي واحترامي

[فيصل المظيبرى]

شاعر جزل

ونتما ان تكون ثابت على هذا النهج

تقبل مرورى

[العازف]

صح لسانك يابن بهلان

[نبيل العرعري]

صح لساااااانك

[ناصر الرشيدي]

ابو فيصل صح لسانكـ

وقصيده رائعه

سجل اعجابي

[احمد منيف]

صح الله لسـانك اخووووي :)

[مذكر الرشيدي]

صح لسانك وبيض الله وجهك

قصيده جزله ومميزه لله درك على الابداع