[عبداللطيف الرشيدي]

؛؛مدخل؛؛
ياللي طغى على الوصايف جمالك
الله مـن حـبٍ طـوى خـافـقـي طـي


ردي حـيـاتي يـالـغــلا في وصالك
مات العشير اللي يحبك وهو حي



((القا بالقناعه))



أومى الغصن وأهتز بي طاري الشوق
قلبي خلي مير الهوا هب ذعذاعه
رحت أتذكر من خذت كامل الذوق
اللي لها نفسي عن الغير منصاعه
إليا زعلت جبت القوافي لها سوق
وإليا رضت كلي تحت رمشها طاعه
اللي خذت قلبٍ من الوقت محروق
ب يطيب كاني شفتها ربع ساعه
ولاهي تكفي لكن ظروفها عوق
مير نتمنى واللقا بالقناعه
شفي عناقه ياعسى الحظ ملحوق
وألم حضنه وأتوسد ذراعه
ماقد بقى في خافقي غير معلوق
لكني أطمع في لقاها طماعه
أنا أشهد أني من حلا النوم مسروق
أليا عرض لي وصلها والقطاعه
وأهيم لا قالت على الراس من فوق
قامت حلوم الخوف تطوي شراعه
وشلون أبنساها وهي داخل الموق
كلش يهون ألا طواري وداعه
مقطوع ياحبٍ تنوعت بالسوق
مرتاح مالي في طرفكم بضاعه
حبي جزاته شوق وسلوم وحقوق
ومقابله عند الحبيبه شفاعه
ولو كنت في حب حدا القلب مسبوق
دست الخطر لو شوفته ربع ساعه






؛؛خروج؛؛

أطـرد خيالـك وأهتني في ظلالك
وتدرين بأنك في حياتي كما الضي



وش عـاد لـو لحظه بعمري قبالك
كـان المـصـايب في حياتي ولاشي

الموضوع الأصلي: أليا رضت كلي تحت رمشها طاعه | | الكاتب: عبداللطيف الرشيدي | | المصدر: شبكة بني عبس

[احمد منيف]

ردي حـيـاتي يـالـغــلا في وصالك مات العشير اللي يحبك وهو حي

اعجبني المدخل حــيل صح الله لسانك ع القصيدة اخوي { عبداللطيف } لاهنت ع النقل :)

[سحايب]

صح الســــــان شاعرها
وسلمت يمناك على النقل

[آلنجم]

صح الســــــان شاعرها
وسلمت يمناك على النقل

[مذكر الرشيدي]

ردي حـيـاتي يـالـغــلا في وصالك
مات العشير اللي يحبك وهو حي


أبداع في ابداع

صح لسان قائلها ولا هنت على الذوق الراقي

[عبداللطيف الرشيدي]

اقتباس من مشاركة احمد منيف الرشيدي اعجبني المدخل حــيل صح الله لسانك ع القصيدة اخوي { عبداللطيف } لاهنت ع النقل :)

احمد منيف صح بدنك ولاهنت ع المرور

[عبداللطيف الرشيدي]

اقتباس من مشاركة دمعه صح الســــــان شاعرها وسلمت يمناك على النقل

تسلمين اختي ع المرور الطيب

[عبداللطيف الرشيدي]

اقتباس من مشاركة النجم الساري صح الســــــان شاعرها وسلمت يمناك على النقل

تسلم اخوي ع المرور الطيب