[أحاسيس]

تخوفني مشاوير الطريق المظلم المهجور
واليامني ذكرتك قلت طولي يامشاويري

عزاي انك رجاي العذب لو كل الدروب عثور
وصلت اوماوصلت اعرفك ما انته منتظر غيري

حبيبي .. وكل الله لاتحسب إني بليد شعور
لو انت المستحيل الصعب .. ماابدي لك معاذيري

احبك .. رغم تجريح الليال لقلبي المقهور
اشوف الجرح يكبر وانت تكبر وسط تفكيري

احبك .. لو يموت الحب وتصير القلوب قبور
احبك كلمة لو حرموها .. حل تفكيري

احبك من هنا حتى طلوع الفجر .. حد النور
صحيح انك قدر محتوم بس اجمل مقاديري

بعذر اللي يحبك لو يصير الشاعر المشهور
لأنك تنهمر حلو القصيده في تعابيري

احد ربي يحطك له حبيب .. ومايجيه غرور ؟
وانا مهما بغيت استوعبك ياقل تقديري

هلا بك من قدمك ... لغرتك لي شعرك المنثور
هلا في كل شيٍ فيك وانت اغلي مساييري

أثر صدق الغلا يجبر حطام الخاطر المكسور
وانا مهما منحتك من غلاي اشعر بتقصيري

ولو طالت مشاوير الطريق المظلم المهجور
انا لامن ذكرتك قلت .. احبك يامشاويري
قصيده احلىشاعر مساعد الرشيدي

الموضوع الأصلي: الطــريق المهجــور | | الكاتب: أحاسيس | | المصدر: شبكة بني عبس

[أثير الشوق]

من روائع مساعد الرشيدي شكرا عالنقل ...

[بدوي متطور]

مشكوره,,عافاك,,الله,,,

[أحاسيس]

يسعدني مرورك

[سلطان الدويله]

اختيااااار جميل جدا وننتظر الجديد



مع تحياتي لكم سلطان حبيب الدويله

[أحاسيس]

يسعدني مرورك

[آلنجم]

بعذر اللي يحبك لو يصير الشاعر المشهور
لأنك تنهمر حلو القصيده في تعابيري

صح اللسان مساعد لاهنت على النقل

[أحاسيس]

يسعدني مرورك